Kwalite udo, belata ụbịam... Ihe ndị Ebonyi chọrọ n'aka gọvanọ ọhụrụ ha

Aha onyonyo, Ihe ndị Ebonyi chọrọ n'aka Francis Nwifuru, Gọvanọ ọhụrụ ha
Kwalite udo, belata ụbịam... Ihe ndị Ebonyi chọrọ n'aka gọvanọ ọhụrụ ha

Dịka a họpụtarala onye ọhụrụ ga-anọchi David Umahi dịka gọvanọ ọhụrụ n'Ebonyi Steeti, ụfọdụ ndị bi na steeti ahụ ekwuola ihe ha na-atụ anya n'aka Francis Nwifuru ony meriri ntuliaka ahụ.

Ndị gwara BBC Igbo kwuru na ihe ka ha mkpa bụ ime ka ndị ntorobịa nwee ọrụ, nke a ga-ebelata ụbịam ma belatakwa mpụ dị icheiche dịka izu ohi na igbu mmadụ.

Ha kwukwara mkpa ọ dị na gọọmentị ga-emetụ ndụ ndị nkịtị aka n'abụghị naanị iwepụta ọrụ maka ndị guru akwụkwọ n'ogogo mahadum.

Ndị Ebonyi
Skip content and continue reading

End of content

Francis Nwifuru - Gọvanọ ọhụrụ Ebonyi

Francis Nwifuru bụ onye kacha bụrụ nwata a họpụtarala ịbụ gọvanọ Ebonyi steeti dịka ọ dị afọ 47.

Ọ bụ ya ji ọkwa 'Speaker' n'ụlọ omeiwu Ebonyi Steeti ugbua, bụ ọkwa nke ọ ga-ahapụ ma bụrụzie gọvanọ n'ụbọchị Mee 29, 2023.

Nwifuru kwere nkwa na otu ebe ọ ga-eleba anya bụ na ngalaba agụmakwụkwọ nakwa ngalaba ahụike nke steeti ahụ.