Ejije ịga okwu nwaanyị m mere mepere anya m maka alụmdinanwunye nke m – Funnybone

Onye na-arụ ọrụ ikpa ọha ọchị a ma ama bụ Stanley Chibunna Julian nke ọtụtụ ji Funnybone mara kọwara etu o siri banye ọrụ a.

Chibunna kwuru na ọ gụrụ ime ihe onyonyo n’akwụkwọ na mahadum ma malite ime ya bụ ihe kemgbe ọ matara ihe n’ime ụlọụka.

N’okwu ya o kwuru: “Kemgbe m dị na nwata, mmadụ niile na-ekwu na m kwesịrị ịbụ onye ọrụ ịkpa ndị mmadụ obi aṅụrị.”

Ọ kọwara na agbanyeghị na nna ya akwadoghị ya bụ ọrụ, nne ya dọnyere ya ukwu nke bụ na ọ na-ahazịrị ya ụzọ ịpụ n’abalị gaa emume ịkpa ọchị na Kaduna bụ ebe a mụrụ ya.

O kwukwara na ọrụ a bụ ọrụ ka na-atụ ọha n’anya dịka ha na-eche na ọ bụghị ọrụ mmadụ ga-arụ were bụrụ mmadụ.

Ọ kọwara “Ndị igbo anaghị akwanyere ndị na-anaghị arụ ọrụ aka, ọrụ onyibo maọbụ onye na-azụ ahịa ugwu”.

Ugbua, Chibunna na-emezị ihe onyonyo na-eme ejije tinyere ọrụ ịkpa ndị mmadụ ọchị.

O kwuru na ewezuga ihe ndị na-echere ọrụ a aka mgbe na ọdịnaihu ya bụ ọrụ chakere achake.

Otu n’ime ihe o kwuru bụ ọgbatauhie n’ọrụ ndị na-akpa ọchị na Naịjirịa bụ na ihe onyonyo na-emepụta bụ n’efu dịka ndị mmadụ anaghị akwụ ụgwọ leele ya n’ịntanetị.

Ka o si kwuo, nke a mere na ndị mmadụ na-ezuru ihe onyonyo ha na-ekesa etu o siri sọ ha.

Ọ kọwara na teknụzụ na-enyere ndị na-eti egwu nakwa ndị na-eme ejije aka inyopụta ma mmachị nzufu ọrụ ha adịbeghị ire nye ndị ọrụ ịkpa ọchị.

Chibunna onye mechapụrụ agbamakwụkwọ ya na nso nso a kọwara na dịka ọ bụ onye na-emesapụ ahụ ma na-agara ndị mmadụ emume nke ha na obi dị ya ezigbo mma etu ọha ọkachasị ndị a ma ama n’ọrụ ịkpa ndị mmadụ obi aṅụrị siri bịara ya emume agbamakwụkwọ ya nke wuru ewu. Kirie ihe onyonyo a n’uju ka ị nụrụ ihe ndị ọzọ o kwuru.