Justin Chukwudi Olewuezi: E si m Aboh Mbaise dị n'Imo steeti gaa mahadum Russia mabute 5.0 CGPA

Oge e ji agụ akụkọ nkeji 2

Ebe ọ bụla ịgara mana ịhụghị onye Igbo, gbalaga!

Nke a bụ okwu si n'ọnụ Justin Chukwudi Olewuezi bụ nwafọ Naịjirịa mbụ gụchara mahadum Siberian State Medical University, Tomsk, dị na Russia.

Olewuezi bidoro wuwe na soshal midia dịka ọ mabutere akara 'Cumulative Grade Points Average' ruru 5.0 bụ ogo ngwụcha nke kachasịnụ na mahadum ahụ nke ndị beke na-akpọ 'first class' garuru n'isi mmiri.

Nke a mere ka ọ bụrụ onye mbụ mabutere akara a kamgbe mahadum ahụ dị afọ 133 malitere n'afọ 1888.

Ọ gwara BBC Igbo na agbanyeghị na olere ule Jamb ma nwete akara di mma, o nweteghị ohere ịgụ akwụkwọ na mahadum ndị dị na Naịjirịa.

O kwuru na ogbe Siberia bụ ebe ọtụtụ ndị isi ojii ebighị mana nke a egbughị mmụọ ya ịchusi ike ihe ọ na-achụ.

N'ọnụ ya, " mgbe m na-agụ akwụkwọ na Airforce Secondary School Enugu, e soghị m na ndị chakere achake mana eruru na mba Rọssia , soro usoro agụmakwụkwọ ha were malite chakewe nwayọ nwayọ."

"Ugbua m gụcharala na mahadum Rossia, ọ dịghị m ọsịsọ ịlaghachị ala Naịjirịa makana o nwere orụ m ji ugbua na mba Rọssia. M rụcha ya m kwado ịlaghachi Naijirịa"

Skip Akachasị Gụọ and continue reading
Akachasị Gụọ

End of Akachasị Gụọ

Ndịche dị na'etiti agụmakwụkwọ na Rọssia nakwa nke Naịjirịa

Olewuezi kwuru na agụmakwụkwọ na mba Rossia dịwaganyere onwe ya mfe.

N'ọnụ ya, 'ndị nkụzị m na Rọssia na-ewetuọbị kọwara anyị ihe mmụta ọfụma nke mere na ọ na-edo onye ọbụla anya."

"Ihe m nụrụ maka ndị nkuzi mahadum Naijirịa bụ na ọ naghị adịcha ofele ụmụakwụkwọ ha inweta ihu ha gbasara ihe ọmụmụ."

Onye wụ Justin Chukwudi Olewuezi?

  • Olewuezi bụ nwafọ Abo Mbaise n'Imo steeti dị na Naijirịa.
  • Ọ dị afọ iri abụọ na isii(26 )
  • Ọ gara ụlọakwụkwọ praimarị n'Abuja
  • Ọ gụrụ akwụkwọ sekọndịrị na Airforce Secondary School Enugu
  • A mụrụ ya n'Abuja dị na Najirịa
  • O nwetere akara 247 n'ule Jamb mbụ o lere ma nwete 260 na nke abụọ o lere, mana e weghị ya na mahadum Naịjirịa.
  • Ọ gara mahadum na "Siberian State Medical University," Tomsk, dị na Russia

Etu Chukwudi Olewuezi si too na Naịjirịa

Olewuezi bụ nwa nke ikpeazụ n'ezinụlọ nne na nna ya kwuru na o sighị n'ezinụlọ bụ akajiakụ na Naịjirịa kamana mama ya ejighị agụmakwụkwọ egwu egwu.

N'ọnụ ya, "nne m nwereike ọ gaghị azụtara gị ọtụtụ akwa mana ọ ga-agba mbọ hụ na ọ zụtara gị akwụkwọ ọbụla dị mma ga-abara gị uru."

"Nnem so mee ka m bụrụ ihe m bụ taa."

Ndụmọdụ Olewuezi na-enye ndị ntoroọbịa

O kwuru na ọ dị mkpa ka ndị ntoroọbịa chụsie ike ihe ọbụla dị mma ha kwenyere na ya.

O kwuru na agbaneghị ọgbatauhie nwereike ịbiara onye ahụ, "gaa n'ihu zọta oke dị mma." Akwa gụọ gị ka ị nọ na njem ahụ, bepụta ya, iwe iwe gị, gosi ya, ihe mkpọbị ụkwụ mee gị tichiasia onwe gị ma gawa n'ihu,

"Ị ga-enwe mmerị."

Akụkọ ndị ga-amasị gị: