Coronavirus in Nigeria: Etu mbepu ego na Bọjeetị 2020 ga-esi metụta gị
Ọ bụghịzi akụkọ ọhụrụ na ndatu ego mmanụ agbịdị emeela ka gọọmenti etiti wetulata ego bọjeetị nke 2020.
Mana onyeisi oche otu a kpọrọ 'Nigeria Eonomic Summit Group' bụ Sam Ohuabunwa na-akọwa na atụmaatụ a pụtara na ụmụ Naịjirịa kwesiri ike nkwụcha maka ihe isiike ga-amalite n'oge adịghị anya.
O kwuru na ihe gọọmenti wepụrụ na bọjeetị 2020 ugbua bụ ihe ndị ga-eri oke ego ma gbado ụkwụ n'iji ego mee ihe ndị dịka ịzụta ọgwụ,nakwa ihe ndị ọzọ nwereike ịwebata ego.
Ihe ise atụmaatụ mbepụ ego na Bọjeetị pụtaara ụmụ Naịjirịa
- Uru adịghịzi n'ahịa mmanụ agbịdị ugbua
- Ụfọdụ ihe mwulite obodo e kwesiri iji otu afọ wee rụpụta nwere ike iru afọ abụọ maọbụ karịa tupu arụchaa ya.
- GDP Naịjirịa adapịala
- Ndị ahịa ga-enwe obere nsogbu maka ụgwọ naira e ji azụta otu dọla nọ n'elu ọjị ugbua
- Ụmụ Naịjirịa kwadoo maka ọtanisi na-abịanụ nso nso a
- Ọtụtụ ihe a na-eji ebi ndụ na Naịjirịa si na mba ofesi abata
Lee ihe ndị o kwuru n'uju ebe a.
Ihe Naịjirịa ga-eme ka ntaramaahụhụ a belata
Maazi Ohuabunwa kwuru na agbanyeghị ihe isiike ga-adakwasị ụmụ Naịjirịa, gọọmenti mee ihe ndị a, ihe ga-adịtụ mma.
- Wepụ oke ntụkwasị obi na mmanụ agbidi ma tinye anya n'ihe ndị ọzọ ga-ewepụtalị ego dịka ọrụ ubi, ịmepụta ihe n'aka onwe anyi, wdgz
- Onye ọbụla chọta ihe ọzọ dị mma nwereike inye ha ego karịa sọ ihe ntụbata
- Ụmụ Naịjirịa bido mepụtawa ihe ndị a ga na-eresi mba ndị ọzọ
- Belata aka na etu i si emefu ego maka na ọtanisi kachasị nke na-abịa
