Xenophobia: South Africa abaala mba maka mkpagbu ndị ọbịa be ha

Minista na-ahụ maka mmekọ mba Sawụt Afrịka na mba ndị ọzọ akpọọla nzụkọ gbatagbata na be ha.

Lindiwe Sisulu na ndị na-anọchite anya mba ndị ọzọ na Sawụt Afrịka ga-enwe nzụkọ iji chọpụta ihe a ga-eme maka ogbugbu na mwakpo ndị mmadụ.

Akụkọ kwuru na ọgbaghara malitere kemgbe abalị ụbọchị ụka n'izu gara aga ebe ndị mba Sawụt Afrịka bidoro ịwakpo ndị ọbịa

Ogbaghara a ataala isi mmadụ atọ kemgbe o bidoro.

Sisulu agwaala ndị ọrụ nchekwa na rụọ ọrụ ncheklwa ha na-enghi onye ọbụla anya n'ihu.

"Anyị agaghị agba nkịtị a na-akpagbu ndị mbịara mbịara ebe a" ka o kwuru.

Dịka ọ dị ugbua ndị mbiarambiara dị icheiche nọ n'ụlọọrụ ndị uweojii ebe ha na-ezo onwe ha dịka achụpụchara ha na bee ha.