Father Clement Ugwu: 'Ndị ụka Kristi enweghi olileanya na nchekwa Naịjirịa' - Bishop Odedeji

Bishop ndị ụka Anglịkan na mpaghara ọdịda anyanwụ Legọs bụ James Olushola Odedeji akatọọla ọnwụ Fr. Clement Ugwu.

O kwuru na ọ bụ ihe ọjọọ nke mere na ndị ụka kristi enweghizi olileanya na nchekwa ala Naịjirịa.

O kwuru nke a mgbe ọ gara ụka mmamma a tụrụ maka ụkọchukwu nọ n'okpuru ya nwunye ya gbalahụrụ ọnwụ site n'ihe mberede ụgbọala.

O kwukwara na ọ dị mwute na o nweghi ihe ndị ọchịchị na-eme gbasara oke mwakpo, ntọrọ nakwa ohi na-arị ibe ya elu na Naịjirịa.

"Ndị ụkọchukwu dị ka ndị ọrụ enyemaka, ha ekwesighi ịgabiga ụdịrị ihe ọjọọ a" ka ọ gwara BBC Igbo.

Cheta na ndị ntọ gburu Clement Ugwu n'Enugwu n'agbanyeghi na ezinaụlọ ya na-akwụ ego mgbapụta ha sị ha kwụọ.

Akụko ndị ọzọ ga-amasị gị