Election tribunal: Kagbuonu ntuliaka ọkwa onyeisala - Atiku
Ebe foto si, @Atiku/Twitter
Otu PDP nakwa onye zọrọ ọkwa onyeisiala n'okpuru ha bụ Atiku Abubakar agaala ụlọikpe iji zọọ ọkwa nke ha kwenyere na ha meriri.
Ha gwara ụlọikpe pụrụiche gbasara ntuliaka ọkwa onyeisiala n'Abuja sị ha kagbuo ma megharịa ntuliaka nke ọkwa onyeisiala e mere n'ụbọchị iri abụọ na atọ nke ọnwa Febụwarị.
O ji ndị ọkaiwu ukwu ruru iri abụọ na ndị akaebe karịrị narị anọ awụchi n'ụlọikpe.
Dịka ọ dị ugbua ụlọikpe enyebeghi ha nzaghachị ma ọ bụ hiwe ụbọchị ikpe a ga-amalite.
Ike agwụla m ịchị unu!
Nke a bụ ọnọdụ onyeisiala mba Kazakhstan bụ Nursultan Nazarbayev nọ ugbua, ka ọ na-ekwuputa na ọ ga-akwụsị ịchị mba ahụ ka ọ chịchara ha afọ iri atọ.
Ebe foto si, Getty Images
Nazarbayev dị afọ 78 kwuru na Kassym-Jomart Tokayev, bụ onyeisi ụlọomeiwu ha, ga na-arụ ọrụ dịka onyeisiala ruo mgbe oge ọchịchị ya ga-agwụ n'ọnwa Epreelụ 2020.
N'egwuregwu,
Eze otiti n'otu Super Falcons bụ Asisat Oshoala, ekwuola na ihe ka ya mkpa ugbua bụ ịhụ na ọ gbakere ọfụma ma lọghachịta n'egwu ọ hụrụ n'anya.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 1
O kwuru nke a maka akwara ọ dọrọ oge ya na ndị otu Barcelona ya na ndị Atletico Madrid zutere ụbọchị ụka.
Ndị agha azaghachila Inec
Ebe foto si, AFP
Ndị agha Naịjirịa ekwuola na ọ bụ ihe ịtụrụ ha n'anya banyere ebubo Inec boro ha na ha so mebie ntuliaka ọkwa gọvanọ e mere na Rivas steeti.
N'ime akụkwọ ozi ha biputara, ha kwukwara na obi adịghị ha mma gbasara ebubo a n'agbanyeghi mbọ niile ha gbara iji nye Inec aka na ntuliaka ahụ.
N'ofesi,
Ebe foto si, Getty Images
Ndị uweojii anwụchiela otu nwoke gbagburu mmadụ atọ ma merụọ mmadụ ise ndị ọzọ ahụ n'obodo Utrecht nke mba Netherlands.
Amambeghi ihe ọ bụ n'uche mana e chere na Gokmen Tanis na ndị oyi ndụ egwu na-arụkọ ọrụ.
N'egwuregwu,
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post, 2
Otu bọọlụ Naịjirịa ndị obere ga-ebido ọzụzụ ha na mba Tunisia taa dịka ha na akwado ịzute mba Libya iji mara onye tozuru asọmpị iko mba Afrịka nke obere.
