#EndFGM: 'Ọ fọrọ obere ka ibi ugwu gbuo nwa nwa m'

6 Febụwarị 2019

Ibi nwaanyị ugwu bụ otu emume ọjọọ ụfọdụ mba dị n'ime Afrịka ka na-eme rue ugbua.

Ya mere na n'ọnụọgụgụ nke ngalaba na-ahụ maka ọdịmma ụmụaka bụ Unicef n'aha ịchafụ jiri gosi na e biela ụmụnwaanyị ruru nde narị abụọ na mba iri atọ ugwu.

'A kpụrụ ya gaa n'alụsi iji duo ya iyi na ọ gaghị ahapụ dị ya'

Nchọpụta ahụ gosikwara na a na-ebi ọtụtụ nwaanyị ugwu tupu ha eruo otu afọ.

Otu onye na-azọ oke ruoro nwaanyị bụ Mary Odumeke tinyere ọnụ n'okwu a.

Ọ kọwara na ibi ugwu a bụ ihe emere nwunye nwa ya nwoke bụ nke mere ka nwaanyị na nwa ya chọ ịnwụ mgbe ọ gara ụlọọgwụ ịmụ nwa.

Kedụ uru maọbụ ọghọm dị n'ụmụnwoke ịlụ ụmụada n'etorughi afọ 18?

Ọ gwakwara BBC Igbo na ụfọdụ obodo ekwetaala igbochie omume ahụ mana ha jụrụ ịkwụsị mmemme so ya.

Ihe ọzọ o kwuru bụ na omenala Igbo na amaghị ama bụ ihe ndị na-akwalite emume a n'ala Igbo

Ihe ndị mmadụ ji ebi nwaanyị ugwu

Skip Akachasị Gụọ and continue reading

Akachasị Gụọ

End of Akachasị Gụọ

Omenala Igbo chere na ibi nwaanyị ugwu ga-eme ka ọ ghara ịgba n'ilo.
Ọ gwara BBC Igbo na amaghị ama so n'ihe na-akwalite ihe a n'etiti ndị mmadụ
Ọzọ bụ na ụfọdụ ụmụ nwaanyị kwenyere na ọ bụrụ na nwaanyị ebeghi ugwu na ọ gaghị amụ nwa.
Ndị na-ebi ugwu ahụ kwuru na ha ahụghị ụzọ ọzọ ha ga-eji kpa nri ma ha kwụsị ibi ya bụ ugwu.