Falz Talk: Ihe jịkọrọ Falz na Fela

Falz akpọnyela ọkụ na soshal midia ugbua maka egwu ọhụrụ o tiputere a kpọrọ 'Talk' nke na-ewu.

N'ime egwu ahụ o kwuru maka obodo Naịjirịa nakwa ihe ndị ndọrọndọrọ na-eme amasịghị ndị mmadụ.

Nke a mere na ụfọdụ ndị mmadụ atụnyerela ya na onye otiegwu megide gọọmentị bụ Fela Anikulapo-Kuti.

Dịka Major A siri kwuo, na ọ bụghị site n'uwe ka eji e ṅomi Fela

Chemical Boy kọwara na Falz kwuru uche ya na-eneghi onye ọbụla nya n'ihu

Lee ihe ndị jịkorọ Falz aha ya bụ Folarin Falana na Fela nke ndị mmadụ n'amaghị.

Ha na-eti egwu na-agba ndịọchịchị mmehie ha n'ihu. Fela gụrụ egwu dịka "Vagabond in Power" ebe Falz gụrụ "This is Nigeria".

Ha abụọ si n'ezinaụlọ ndị welitere isi na Naịjirịa. Fela si n'ezinaụlọ Ransome-Kuti na-euw ewu ebe Falz si na nke Falana.

Ejiri eyighi uwe elu ahụ mara Fela mana Falz emmela otu ihe ahụ n'ime egwu ya "This is Nigeria"

Aha nne Fela bụ Funmilayo Ransome-Kuti ebe nne Falz bụ Funmi Falana.

Ihe ọzọ jịkọrọ ụmunwaanyị a bụ na ha bụ ndị a ma ama dịka ndị na-alụ ọgụ maka oke ruru onye bụ "Activist" na Bekee.

Akụko ndị ọzọ ga-amasị gị