Ntuliaka ime ụlọ APC ataala isi mmadụ abụọ

Ogbaghara pụtara na ntuliaka ime ụlọ APC mere eriele isi mmadụ abụọ, otu na Legos nke ọzọ na Delta steeti.

Akụkọ ka na-apụta maka onye nwụrụ na Legos ebe otu nwoke bụ Jeremiah Ojeveta n'azọ ọkwa Chairman na Delta nwụrụ site n'ọgbaaghara taa.

A kagbukwara ntuliaka nke APC mere n'Ekiti maka iji wepụta onye ga-anọchite anya ha n'ọzịzọ ọkwa gọvanọ steeti ahụ n'ọnwa Julai.

Akụkọ so ntuliaka a bụ na ọgbaaghara dapụtara dịka ndị omekome ji egbe dabatara n'ebe ahụ, ebe ụfọdụ mmadụ na-alụ ọgụ.

Dịka ụlọọrụ ntaakụkọ Cable siri kọwa, ụfọdụ ndị n'azọ ọkwa nnọchite anya a n'ime otu APC were iwe si n'ebe a na-eme ntuliaka pụọ, dịka kọmitii chịkọtara ntuliaka ahụ na-ekwu na o nweghi onye meriri.

Otu APC mere ntuliaka imeụlọ na mpaghara dị icheiche na Satọde maka ịhọpụta ndị ga-achị wọọdụ ga n'ala Naịjirịa.

Kọmiti na-achịkọta emume a na ndị niile na-azọ ọkwa ahụ kwekọrịtara n'ime onwe ha ịkagbu ntuliaka a.

Akụkọ ga-amasị gị