Nan muka kawo karshen shirin
Da fatan za ku tara a wani shirin na sharhi da bayanai kai tsaye a gasar cin kofin Afirka.
Sunana Mohammed Abdu nake ce muku asuba ta gari.
Kana amfani da shafin BBC mai bayyana rubutu kawai (babu hoto) domin rage cin data. Idan ana so a ga hotuna da bidiyo sai a koma babban shafinmu.
Najeriya ta kai zagaye na biyu bayan cin Tunisiya 3-2
Wannan shafi ne da zai ke kawo muku bayanai kan wasan Najeriya da Tunisia a gasar kofin nahiyar Afirka ta 2025 da ake yi a Moroko.
Taƙaitattu
- Senegal 1-1 Jamhuriyar Congo a wasan rukuni na huɗu
- Benin ta ci Botswana 1-0 a wasa na bibiyu a rukuni na huɗu
- Afcon 2025: Me kuke son sani kan wasan Najeriya da Tunisia
- Rukuni na uku: Uganda 0-1Tanzania a karawa ta bibiyu a cikin rukuni
- Ƙasashe 10 da ba su taɓa zuwa gasar Afcon ba
- Morocco ta raba maki da Mali ta ci gaba da jan ragamar rukunin farko
- Latsa nan domin samun labarin wasanni a tasharmu ta WhatsApp
- Tuni Masar ta kai zagaye na biyu bayan cin Afirka ta Kudu 1-0
- Za ku iya tafka muhawara kai tsaye a BBCHausa Facebook
Rahoto kai-tsaye
Mohammed Abdu
Wasan karshe na rukuni na uku ranar Talata
Wasannin da za a buga ranar Lahadi, Najeriya 3-2 Tunisiya
Sakamakon wasannin da aka buga ranar Asabar, Najeriya 3-2 Tunisiya
Yadda teburin rukuni na uku yake bayan wasa na bibiyu
An tashi wasa Najeriya ta kai zagaye na biyu, Najeriya 3-2 Tunisiya
Kaɗan ya rage Tunisia ta farke ƙwallon, Najeriya 3-2 Tunisiya
Kyaftin ɗin Tunisiya ka bugowa ƙwallo ya sa kai amma ta yi faɗi - har yanzu Tunisiya sai kai matsi take gidan Najeriya.
Yanzu dai Super Eagles ta koma tare gida, domin ta tsira da wannan makin ukun da yake da mahimmaci a wajenta.
Tunisiya na kai kora ko ta farke ɗayan da ya rage, Najeriya 3-2 Tunisiya
Lokaci ya cika na minti 90 an kuma yi karin minti bakwai daga nan a tashi wasan.
Ko Najeriya za ta kai zagaye na biyu kai tsaye da maki shida ko raaaba maki za ta yi da Tunisia? Sai a cikin karin lokacin nan za a tantance.
Tunisia ta zare na biyu ta hannun Abdi, Najeriya 3-2 Tunisiya
Mai tsaron bayan Tunisia, Abdi shi ne ya taɓe ya buga ƙwallon ta kuma faɗa ragar Najeriya, wanda ya buga ƙwallon da karfi don kada a samu matsala.
A karon farko a wasan an je duba VAR
Ana zargin Osayi-Samuel ya taɓa ƙwallo da hannu, an kammala duba VAR an kuma bai wa Tunisiya bugun fenariti.
Najeriya ta yi sauye-sauye, Najeriya 3-1 Tunisiya
Moses Simon ya maye gurbin Frank Onyeka
Sannan kuma Chidera Ejuke ya cnaji Akor Adams.
Tunisiya ta yi canji, Najeriya 3-1 Tunisiya
Ɗan wasan Tunisiya, Ismaël Gharbi ya maye gurbin Elias Achouri.
Tunisiya ta zare ɗaya ta hannun Talbi, Najeriya 3-1 Tunisiya
Montassar Talbi na Tunisiya ne ya sa kai ta faɗa raga daga bugun da Hannibal Mejbri ya yi masa.
Lookman ya ci wa Najeriya na uku
Ƙwallo aka bai wa Osimhen ya shiga da ita da'irar Tunisia daga nan ya bai wa Lookman shi kuma sai da ya tsaya ya kaɗa kafa daga baya ya buga da kafar hagu sai ta bugi jikin mai tsaron gida ta faɗa raga.
Tunisiya ta yi canji, Najeriya 2-0 Tunisia
Tunisia ta saka Sebastian Tounekti ya maye gurbin Mohamed Ben Romdhane saboda raunin da ya ji.
An bayar da katin gargaɗi ga Ajayi na Najeriya, Najeriya 2-0 Tunisiya
An bai wa ɗan wasan tawagar Najeriya, Semi Ajayi katin gargadi, sakamakon ketar da ya yi wa Hannibal Mejbri, kuma ta yi muni kam
Nageriya ta kara na biyu a ragar Tunisiya, Najeriya 2-0 Tunisiya
Kwana ce aka kwaso ta hannun Ademola Lookman ta wuce kowa ta je wajen ƙyaftin Wilfred Ndidi ya yi tsalle ya sa kai ta kuma faɗa raga.
, Najeriya 1-0 Tunisiya
Osimhen ya saka fuskar kariya ta roba da aka koma zagaye na biyu, bayan sun sha ruwa sun huta.
An koma zagaye na biyu a karawar ta hamayya, Najeriya 1-0 Tunisiya
Yadda ƴan kallo suka je ganin wasan Najeriya da Tunisiya
