ભારતમાં CCI તપાસની વચ્ચે ઍમેઝોનના માલિક જેફ બેઝોસ ભારતમાં, એક અબજ ડૉલરનું રોકાણ કરશે
ઇમેજ સ્રોત, Getty Images
ઍૅમેઝોન ભારતમાં લઘુ અને મધ્યમ ઉદ્યોગોના ડિજિટાઇઝેશનમાં એક અબજ ડૉલરનું રોકાણ કરશે.
ટોચની ઇ-કોમર્સ કંપની ઍૅમેઝોનના સીઈઓ જેફ બેઝોસે તેમની ભારતયાત્રા દરમિયાન આ જાહેરાત કરી હતી.
જેફ બેઝોસે કહ્યું કે ભારત અને અમેરિકાના સંબંધ 21મી સદીમાં સૌથી મહત્ત્વપૂર્ણ છે.
બેઝોસ ઑનલાઇન રિટેલના બે દિવસના સંમેલનમાં ભાગ લેવા માટે ભારતની મુલાકાતે આવ્યા છે.
તપાસ અને મુલાકાત
આ લેખમાં Instagram દ્વારા પૂરું પાડવામાં આવેલું કન્ટેન્ટ છે. કંઈ પણ લોડ થાય તે પહેલાં અમે તમારી મંજૂરી માટે પૂછીએ છીએ કારણ કે તેઓ કૂકીઝ અને અન્ય તકનીકોનો ઉપયોગ કરી શકે છે. તમે સ્વીકારતા પહેલાં Instagram કૂકીઝ નીતિ અને ગોપનીયતાની નીતિ વાંચી શકો છો. આ સામગ્રી જોવા માટે 'સ્વીકારો અને ચાલુ રાખો'ના વિકલ્પને પસંદ કરો.
Instagram કન્ટેન્ટ પૂર્ણ, 1
બેઝોસે જાહેરાત કરી કે ઍૅમેઝોન ભારતમાં લઘુ અને મધ્યમ ઉદ્યોગોના ડિજિટાઇઝેશનમાં એક અબજ ડૉલરનું રોકાણ કરશે.
જેફ બેઝોઝે કહ્યું કે 2025 સુધી ઍૅમેઝોન પોતાના વૈશ્વિક પ્લૅટફૉર્મ પરથી 10 અબજ ડૉલરની કિંમતના ભારતમાં બનેલાં ઉત્પાદનોની દુનિયાભરમાં નિકાસ કરવામાં મદદ કરશે.
ન્યૂઝ એજન્સી રૉઇટર્સના રિપોર્ટ મુજબ, કૉમ્પિટિશન કમિશન ઑફ ઇન્ડિયાએ ઍમેઝોન તથા વૉલમાર્ટની માલિકીની ઑનલાઇન વેચાણ કંપની ફ્લિપકાર્ટ સામે તપાસ હાથ ધરી છે.
End of સૌથી વધારે વંચાયેલા સમાચાર
ઑનલાઇન કંપનીઓ દ્વારા તેમની પેટા કંપની અથવા તેમના સાથે સંકળાયેલી કંપનીઓને 'વિશેષ પ્રાથમિકતા' અપાતી હોવાના આરોપ મૂક્યા છે.
આ સિવાય ભારે ડિસ્કાઉન્ટ મુદ્દે પણ છૂટક વેપારીઓએ ઈ-કૉમર્સ કંપનીઓ સામે ફરિયાદ દાખલ કરી હતી. જોકે, કંપનીઓ આ આરોપોને નકારે છે.
પતંગ ચગાવી
આ લેખમાં Instagram દ્વારા પૂરું પાડવામાં આવેલું કન્ટેન્ટ છે. કંઈ પણ લોડ થાય તે પહેલાં અમે તમારી મંજૂરી માટે પૂછીએ છીએ કારણ કે તેઓ કૂકીઝ અને અન્ય તકનીકોનો ઉપયોગ કરી શકે છે. તમે સ્વીકારતા પહેલાં Instagram કૂકીઝ નીતિ અને ગોપનીયતાની નીતિ વાંચી શકો છો. આ સામગ્રી જોવા માટે 'સ્વીકારો અને ચાલુ રાખો'ના વિકલ્પને પસંદ કરો.
Instagram કન્ટેન્ટ પૂર્ણ, 2
જેફ બેઝોસે ભારત પ્રવાસમાં મહાત્મા ગાંધીના સમાધિસ્થળ રાજઘાટની મુલાકાત લીધી હતી.
એમણે ટ્વીટ કરતા કહ્યું કે, "તેઓએ વાસ્તવમાં દુનિયાને બદલી, તેઓને મારા નમન. મહાત્મા ગાંધી કહેતા હતા કે જીવન એવું જીવો કે કાલે અંતિમ દિવસ છે અને એ રીતે શીખો કે જાણે કાયમ અહીં જ રહેવાનું છે."
આ સિવાય તેમણે મકરસંક્રાંતિની ઉજવણીમાં ભાગ લીધો હતો અને બાળકો સાથે પતંગ ચગાવી હતી.
આ લેખમાં Google YouTube દ્વારા પૂરું પાડવામાં આવેલું કન્ટેન્ટ છે. કંઈ પણ લોડ થાય તે પહેલાં અમે તમારી મંજૂરી માટે પૂછીએ છીએ કારણ કે તેઓ કૂકીઝ અને અન્ય તકનીકોનો ઉપયોગ કરી શકે છે. તમે સ્વીકારતા પહેલાં Google YouTube કૂકીઝ નીતિ અને ગોપનીયતાની નીતિ વાંચી શકો છો. આ સામગ્રી જોવા માટે 'સ્વીકારો અને ચાલુ રાખો'ના વિકલ્પને પસંદ કરો.
YouTube કન્ટેન્ટ પૂર્ણ
તમે અમને ફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો
