BBC ISWOTY 2024નાં નૉમિની મનુ ભાકર અંગે તમે શું જાણો છો?
બીબીસી ઇન્ડિયન સ્પૉર્ટ્સવુમન ઑફ ધ યરના પાંચમા સંસ્કરણ માટે નામાંકન થયેલાં ઉમેદવારોની જાહેરાત કરવામાં આવી છે.
આ પાંચ દાવેદારોમાં ગોલ્ફર અદિતિ અશોક, શૂટર અવનિ લેખરા, ક્રિકેટર સ્મૃતિ મંધાના, કુસ્તીબાજ વીનેશ ફોગાટ અને એક ઑલિમ્પિકમાં બે પદક મેળવનાર પ્રથમ ભારતીય ખેલાડી એવાં શૂટર મનુ ભાકરનો પણ સમાવેશ થાય છે
22 વર્ષીય મનુ ભાકરે 2024 ઑલિમ્પિકમાં ઍર પિસ્તોલ શૂટિંગમાં બે બ્રૉન્ઝ મેડલ જીતીને ઇતિહાસ રચી દીધો હતો.
2020 ઑલિમ્પિકમાં તેમની પિસ્તોલ ખરાબ થઈ જવાના કારણે તેઓ મેડલ ચૂકી ગયાં હતાં. ત્યાર બાદ તેમણે 2024 પેરિસ ઑલિમ્પિક માટે તાલીમ લેવા તેમના લાંબા સમયના કોચ જસપાલ રાણા સાથે મળી તૈયારી કરી હતી.
2018માં મનુ શૂટિંગ વર્લ્ડકપમાં ગોલ્ડ જીતનાર સૌથી નાની ઉંમરની ભારતીય ખેલાડી બન્યાં હતાં. ત્યારે તેઓ માત્ર 16 વર્ષનાં હતાં.
મનુએ વર્ષોથી વર્લ્ડકપ અને વર્લ્ડ ચૅમ્પિયનશિપમાં ઘણા મેડલ જીત્યા છે. તેમને ભારતના સર્વોચ્ચ રમત-ગમત સન્માન એવા ખેલરત્નથી નવાજવામાં આવ્યાં છે.
બીબીસી માટે કલેક્ટિવ ન્યૂઝરૂમનું પ્રકાશન
