Ahavuye isanamu, Getty Images
Abanonotsi b'Abanyafrika bahiganwa mu kwiruka barazwi cane ku kuntu biharira amahiganwa ya Olempike mu gusiganwa ahantu hagereranye canke harehare.
Uno mwaka, inkino zitanu zongewe mu zikinwa muri Olempike - kunyerera ku mazi, umukino wo kwurira ahahanamye, baseball/softball, skateboarding na karate - kandi abanonotsi b'Abanyafrika baraserukiwe.
Mu gihe ihiganwa Olempike ritangura i Tokyo ku tariki 23 z'ukw'indwi, turaraba abanonotsi b'Abanyafrika bo gukurikiranira hafi muri iri higanwa - kuva kuri bashasha baje ubwa mbere gushika ku babirambiyemwo barondera kwiyongera ishema.
Taoufik Makhlouf yiruka uburebure bugereranije (asiganwa imetero 800 na 1.500)
Yagiye mu nkino Olempike zambere mu nkino za London 2012 atsindira umudari w'inzahabu mu kwiruka imetero 1.500 hamwe n'imidari ibiri y'umwakaka mu nkino za Rio 2016.
Wali Bidani ni umunye Algeria aterura ibiremereye yatanguriye mu nkino Olempike za London 2012 asubirayo kandi mu nkino Olempike za Rio 2016.
Azenaide Carlos ni umukinyi wa Handball akaba ari mw'ikipe nserukiragihugu ya Angola y'abagore agakinira kandi n'ikipe ya The Pearls.
Aramaze kuja mu nkino Olempike inshuro zitatu kuva mu 2008.
Nijel Amos ni umunye Botswana ahiganwa mu kwiruka akaba yaratsindiye umudari w'umwakaka mu bagabo ku metero 800 mu nkino Olempike London 2012.
Tokyo 2020 zizoba ari zo nkino zigira gatatu agiyemwo.
Hugues Fabrice ni Umuburkinabe ahiganwa gusimba Triple Jump yatsindiye umudari w'umujumbu mu Nkino z'Isi zo Kunonora imitsi 2019
Francine Niyonsaba ni Umurundikazi ahiganwa mu kwiruka yatsindiye imidari y'umwakaka mu nkino za Rio 2016 n'amahiganwa y'isi 2017 ku metero 800 mu bagore.
Cheick Cisse yanditse amateka igihe yatsindira Cote d'Ivoire umudari wayo wambere mu nkino Olempike za Rio 2016.
Yabaye kandi Umunyafrika wambere atsindiye umudari w'inzahabu muri Taekwondo.
Marie-Josée Ta Lou ni umunye Cote d'Ivoire ahiganwa mu kwiruka imetero 100 na 200
Yatsindiye umudari w'umujumbu ku metero 100 mu nkino z'isi zo kunonora imitsi mu 2019 anaba uwa 4 mu nkino Olempike za Rio 2016 ku metero 100 na 200
Haydy Morsy ahiganwa muri pentathlon igezweho irimwo kwoga no gutwara ifarasi
Izi nkino za Olempike Tokyo 2020 zigira kabiri agiyemwo.
Azmy Mehalba ni umunye Misiri arasa, izi nkino za Olempike Tokyo 2020 zikaba ari iza gatatu agiyemwo.
Yatsindiye umudari w'inzahabu mu nkino ziheruka za ISSF World Cap Shotgun mu kwezi kwa gatanu, 2021.
Gina Farouk ni umunye Misiri akina karate, izi nkingo za Olempike Tokyo 2020 zikaba ari zo zambere agiyemwo.
Yatsindiye umudari w'inzahabu mu 2016 n'ibiri y'umujumbu mw'ihiganwa ry'isi rya karate mu 2018
Merhawi Kudus ni umunye Eritra asiganwa kw'ikinga yabaye uwa gatatu mw'ihiganwa rya Turkey 2019 Cycling Tour.
Yabaye uwa mbere mu ciciro ca Individual TIme Trial mw'ihiganwa ryo muri Eritrea mu 2021 aba uwa kabiri ku rutonde rusangi. Izi nkino za Tokyo 2020 ni zo zambere azoba agiyemwo.
Emanuel Gebreigzabhier agiye mu nkino Olempike ziwe za mbere uno mwaka. Uyu munye Eritrea ahiganwa mu gusiganwa kw'ikinga yabaye uwa mbere mu nkino African Road Championship mu 2018.
Mosana Debesay ni umunye Eritrea w'umugore ahiganwa mu gusiganwa kw'ikinga yatsindiye ihiganwa African Road Championship mu 2019 hamwe na African Road Championship individual time trial mu 2018.
Avukana na Mekseb Debesay nawe nyene ahiganwa mu gusiganwa kw'ikinga.
Letesenbet Gidey ni umunye Ethiopia asiganwa muri marathon akaba ari nawe afise umuhigo w'isi. Gidey afise umuhigo w'isi mu bagore ku metero 5.000 kandi aheruka no gushika ku muhigo w'isi ku metero 10.000.
Yatsindeiye umudari w'umwakaka mu bagore mu kwiruka imtero 10.000 mu mahiganwa y'isi mu 2019.
Selemon Barega ni umunye Ethiopia ahiganwa mu kwiruka ahantu harehare yatsindiye umudari w'umwakaka mu bagabo ku metero 5.000 mu mahiganwa y'isi yo mu 2019.
Izi nkino Olempike Tokyo 2020 ni zo zambere azoba agiyemwo.
Yomif Kejelcha ni umunye Ethiopia ahiganwa mu kwiruka ahantu harehare akaba azoba agiye mu nkino Olempike ziwe zambere i Tokyo.
Kejelcha yaratsindiye umudari w'inzahabu mu kwiruka imetero 3.000 mu bagabo mu mahiganwa y'isi abera mu nzu mu 2018.
Yanatsindiye kandi umudari w'umwakaka mu metero 10.000 mu bagabo mu mahiganwa y'isi yo mu 2019.
Lelisa Desisa ni umunye Ethiopia yiruka marathon kandi yaratsindiye umudari w'inzahabu mu mahiganwa y'isi yo mu 2019.
Shura Kitata ni umunye Ethiopia yiruka marathon.
Muri marathon y'i London mu 2020, yatsindiye umudari w'inzahabu asiga icamamare muri marathon co muri Kenya Eliud Kipchoge, mu gihe yari yamukurikiye mu kuba uwa kabiri mu 2018.
Gudaf Tsegay ni umunye Ethiopia ahiganwa mu kwiruka ahantu bagereranye akaba yareshe umuhigo wo kwiruka imetero 1.500 mu bagore kubera mu nzu i Lievin mu Bufaransa mu kwezi kwa kabiri 2021.
Yatsindiye umudari w'umujumbu mu mahiganwa y'isi yo mu 2019.
Gina Bass ni umunye Gambia yatsindiye umudari w'inzahabu mu kwiruka imetero 200 mu bagore mu mahiganwa Nyafrika y'i Rabat mu 2019.
Inkino z'i Tokyo zizoba ari iza Olempike zigira kabiri agiyemwo.
Julius Yego ni umunye Kenya ahiganwa mu gutera icumu yatsindiye umudari w'umwakaka mu mahiganwa Olempike ya Rio 2016.
Bamutazira kandi Mr. YouTube kuko yanonosoye ubuhinga bwiwe muri uru rukino mu kuraba video kuri YouTube.
Brigid Kosgei ni umunye Kenya ahiganwa mu kwiruka marathon yatsinze marathon za Chicago mu 2018 na 2019 hamwe n'iya London mu 2020.
Kosgei niwe afise umuhigo w'isi, ku mwanya wa 2:14:04 yashitseko muri marathon ya Chicago mu 2019. Izi nkino za Tokyo nizo Olempike yiwe yambere.
Eliud Kipchoge ni umunyamwuga mu kwiruka ahantu harehare
Uyu munonotsi rurangiranwa w'umunye Kenya niwe afise umuhigo wa marathon ku mwanya wa 2:01:39 yashitseko itariki 16 z'ukwa cenda 2018 muri marathon ye Berlin
Yanatsindiye umudari w'inzahabu muri marathon mu nkino Olempike za Rio 2016.
Beatrice Chepkoech ni we afise umuhigo w'isi muri steeplechase.
Uyu munye Kenya ahiganwa mu kwiruka ahantu harehare niwe yatsindiye umudari w'inzahabu muri steeplechase mu mahiganwa y'isi yo mu 2019.
Faith Kipyegon ni umunye Kenya ahiganwa mu kwiruka ahantu harehare yatsindiye umudari w'inzahabu mu nkino za Olempike Rio 2016 mu metero 1.500
Yanatsindiye kandi umudari w'umwakaka mu mahiganwa y'isi mu 2017 hamwe n'uwundi w'umwakaka nyene mu 2019.
Khadija Mardi ni umunye Maroke w'umuteramakofe. Yaragiye mu nkino Olempike za Rio 2016 ariko aratsindwa mu ca kane c'ihiganwa mu bafise ibiro biri hagati ya 69-75.
Yanatsindiye umudari w'umujumbu mu nk'ino z'isi z'iteramakofe z'abagore mu 2019
Rababe Arafi ni umunye Maroke ahiganwa mu kwiruka yatsindiye umudari w'inzahabu mu metero 1.500 mu bagore mu nkino za IAAF Diamond League mu 2019.
Tokyo 2020 nizo nkino Olempike ziwe zambere.
Ramzi Boukhiam ni umunyamwuga mu kunyerera ku mazi.
Azoba agiye mu nkino Olempike ziwe zambere kandi aserukire Maroke mw'ihiganwa rya mbere ryo kunyerera mu mazi mu nkino Olempike.
Soufiane El Bakkali ni umunye Maroke yatsindiye umudari w'umwakaka mu metero 3000 steeplechase mu bagabo mu nkino za IAAF World Championship mu 2017.
Rio 2016 zari zo nkino Olempike ziwe za mbere.
Maria Machav ni umunye Mozambique w'umusozi w'ubwato azoba agiye mu nkino Olempike ubwa mbere muri Tokyo 2020.
Deisy Nhaquile ni umunye Mozambique w'umusozi azoba agiye mu nkino Olempike ubwa mbere muri Tokyo 2020.
Yatsinze ihiganwa nyafrika ryo gusoza ubwato mu 2019 mu rwego 420 Radial Laser
Denise Parruque ni umunye Mozambique w'umusozi azoba agiye mu nkino Olempike ubwa mbere muri Tokyo 2020.
Ari kumwe n'uwo bahiganwa hamwe Maria, yatsinze ihiganwa nyafrika mu 2019 mu rwego 470 regatta
Maike Diekm ann ni umunye Namibia asoza ubwato buto azoba agiye mu nkino Olempike aserukiye Namibia ku nshuro yambere.
Beatrice Masilingi ni umunye Namibia ahiganwa mu kwiruka akaba ari uwa 3 mu mateka kw'isi mu bamaze kwiruka imetero 400 munsi y'amasegonda 20
Ariko ntazokwemererwa kwiruka izo metero muri aya mahiganwa ya Olempike kubera imisemburo ya kigabo myinshi afise umu mubiri, ariko azoja mu yandi mahiganwa
Christine Mboma, ni umunye Namibia ahiganwa mu kwiruka yeshe umuhiho w'isi wo kwiruka imetero 400 munsi y'amasegonda 20 mu 2021.
Ariko ntazokwemererwa kwiruka izo metero muri aya mahiganwa ya Olempike kubera imisemburo ya kigabo myinshi afise umu mubiri, ariko azoja mu yandi mahiganwa
Aminatou Seyni ni umunye Niger ahiganwa mu biruka banyaruka cane yagiye mu mahiganwa y'isi yo mu 2019.
Blessing Okagbare ni umunye Nigeria ahiganwa mu gusimba intambwe no kwiruka anyaruka.
Niwe afise umuhigo ku metero 100 ku mwanya w'amasegonda 10.75, ariko mu magerageza ya Olempike yararusumbije uwo mwanya agira amasegonda 10.63 mu kwa gatandatu 2021.
Uyu mwanya wanditse umuhigo mushasha kuri Nigeria na Afrika kandi ubu anganya n'umunye Jamaica Shelly-Ann Fraser-Price ku muhigo w'isi wo mu 2021.
Elizabeth Anyanacho niwe mugore w'umunye Nigeria agira kabiri, kandi wa mbere mu myaka 16, yaronse itike yo kuja mu nkino Olempike mu mukino wa Taekwondo.
Divine Oduduru yatanguriye mu mahiganwa Olempike ya Rio 2016.
Uyu ahiganwa mu kwiruka banyaruka niwe munye Nigeira wenyene amaze gushika mu ca kane co gusiganwa banyaruka mu bagabo.
Tobi Amusan yiruka asimba imitego hamwe n'aharambitse yatsindiye umudari w'inzahabu mu mahiganwa ya Gold Coast 2018 Commonwealth Games muri Australia.
Yatanguriye mu nkino Olempike za Rio 2016 ashika mu gice canyuma aheza ari uwa gatatu ku mwanya w'amasegonda 12.9.
Ese Brume ni umwe mu bagore batatu b'abanye Afrika basimba imetero 7 canke zirenga.
Uyu munono w'umunye Nigeria ukuza kwiwe kwa mbere mu nkino Olempike kwabereye mu nkino za Rio 2016 aho yahejeje ari uwa gatanu.
Yaronse umudari w'umujumbu mu mahiganwa nyafrika yo mu 2019.
Chukwuebuka Enekwechi ni umunye Nigeria atera akuma kitwa Shot Put yaronse umudari w'umwakaka mu nkino za Commonwealth zo mu 2018.
Yabaye kandi uwa 8 mu mahiganwa y'isi yo mu 2019 aba umunonotsi wenyene wo muri Nigeria ashitse mu nkino zanyuma.
Usheoritse Itsekiri ni umunye Nigeria ahiganwa mu biruka banyaruka cane kandi akaba yaratsindiye umudari w'umujumbu, umudari wiwe wambere mpuzamakungu mu kwiruka imetero 100 akaba yawuronse mu nkino nyafrika z'i Rabat ku mwanya w'amasegonda 10.02.
Esther Toko ni umunye Nigeria asoza ubwato buto yatsindiye umudari w'umujumbu n'uw'umwakaka mu nkino za African Beach Games i Cape Verde mu 2019.
I Tokyo 2020 azoba agiye mu nkino Olempike ziwe za mbere, abe kandi umunye Nigeria wambere aba muri ico gihugu yitabiriye inkino Olempike muri uno mukino.
Ayomide Emmanuel Bello agiye mu nkino Olempike ziwe za mbere nk'umugore wambere asoza ubwato buto bwa canoe wo muri Nigeria aronse itike yo kuja muri izo nkino.
Bello yarigeze gutsindira umudari w'inzahabu mu nkino nyafrika z'i Rabat mu 2019 mu mice ya C-1 200m, C-1 500m, C-2 200m na C2 500m.
Rodney Govinden azoserukira Seychelles mu nkino Olpempike Tokyo 2020.
Ni inkino Olempike za kabiri agiyemwo nyuma ya Rio 2016. Yatahukanye agashimwe nk'umunonotsi mwiza w'umwaka muri Seychelles mu 2019.
Wayde Van Nierkerk ni umunye Afrika y'epfo ahiganwa mu biruka banyaruka cane yatsindiye umudari w'inzahabu mu nkino Olempike za Rio 2016 ku metero 400.
Yeshe umuhigo w'isi w'amasegonda 43.3 akura muri ico kibanza uwagihoramwo, umunye Amerika Michael Johnson.
Chad le Clos ni umunye Afrika y'epfo ahiganwa mu kwoga yatsindiye imidari myinshi harimwo uw'inzahabu mu nkino Olempike za London 2012 hamwe n'ibiri y'umwakaka mu nkino za Rio 2016.
Akani Simbine ni umunye Afrika y'epfo ahiganwa mu biruka banyaruka yatsindiye umudari w'inzahabu mu kwiruka imetero 100 mu bagabo mu nkino za Commonwealth mu 2018
Yabaye uwa kane mu nkino z'isi zo kunonora imitsi mu 2019.
Caitlin Rooskrantz azoba agiye mu nkino Olempike ziwe zambere mu nkino za Tokyo 2020.
Uyu munye Afrika y'epfo ahiganwa muri gymnastics yatsinze inkino za 2018 African Artistic Gymnastics Championships hamwe na Hungary 2019 Artistic Gymnastics World Challenge.
Azoba agiye mu nkino Olempike ziwe zambere mu nkino za Tokyo 2020.
Erin Sterkenburg ni umunye Afrika y'epfo ahiganwa mu kwurira ahakikamye cane akaba ari we munye Afrika wenyene azoba ari muri uyu mukino, uri muri itanu mishasha yashizwe mu nkino Olempike za Tokyo 2020.
Yatsindiye ihiganwa 2020 IFSC Africa Championships.
Henri Schoeman ni umunye Afrika y'epfo ahiganwa muri Triathlon yatsindiye umudari w'inzahabu mu bagabo mu nkino za Gold Coast 2018 Commonwealth Games.
Yanatsindiye kandi umudari w'umwakaka mu bagabo muri triathlon mu nkino Olempike za Rio 2016.
Boipelo Awuah ni we munonotsi wambera ahiganwa muri skateboard wo muri Afrika y'epfo azoba ari muri izi nkino Olempike, ni nawe munye Afrika akiri muto muri izi nkino.
Ikipe ya Rugby Sevens ya Afrika y'epfo izwi kandi nka Blitzboks yatsindiye umudari w'umwakaka mu nkino Olempike za Rio 2016.
Babaye aba kabiri mw'ihiganwa rya Rugby Sevens World Cup mu 1997.
Oussama Mellouli, ni umunye Tuniziya ahiganwa mu kwoga yatsindiye umudari w'inzahabu ku metero 1500 muri freestyle mu nkino Olempike za Beijing 2008 hamwe na marathon y'abagabo y'ibirometero 10 boga mu nkino Olempike za London 2012.
Marwa Amri, ni umugore wo muri Tuniziya akirana, yatsindiye umudari w'umujumbu mu nkino Olempike za Rio 2016 mu muce wa freestyle mu bagore, aba umugore wambere wo muri Afrika atahukanye umudari Olempike mu gukirana.
Ines Boubakri ni umunye Tuniziya arwanisha inkota yatsindiye umudari w'umujumbu mu muce wa indivugual foil fencing mu bagore mu nkino Olempike za Rio 2016.
Jacob Kiplimo ni umunye Uganda ahiganwa mu kwiruka ahantu harehare yahiganywe mu kwiruka imetero 3000 mu bagabo mu nkino za 2020 IAAF Diamond League Golden Gala.
Tokyo 2020 zizoba ari inkino Olempike za kabiri agiyemwo nyuma ya Rio 2016.
Ronald Musagala ni umunye Uganda ahiganwa mu kwiruka yagiye mu nkino ziwe Olempike ziwe zambere za Rio 2016 mu kwiruka imetero 1500.
Yatsindiye umudari w'inzahabu mu nkino za 2019 Diamond Leagues i London na Paris.
Joshua Cheptegei ni umunye Uganda ahiganwa mu kwiruka ahantu harehare yatsindiye umudari w'inzahabu mu kwiruka imetero 10.000 mu bagabo mu nkino z'isi zo kunonora imitsi mu 2019 anesa umuhigo w'isi ku metero 5.000 mu nkino za Monaco 2020 Diamond League.
Peruth Chemutai ni umunye Uganda ahiganwa mu kwiruka steeplechase. Yahiganywe mu nkino Olempike za Rio 2016 mu bagore ku metero 3.000 muri steeplechase.
Yahejeje kandi ari uwa 5 mu bagore ku metero 3.000 steeplechase mu rukino rwanyuma mu nkino z'isi zo kunonora imitsi 2019.
Ikipe y'abagore y'umupira w'amaguru ya Zambia izwi nka Copper Queens canke She-Polopolo izoba igiye mu nkino zayo zambere za Olempike mu nkino za Tokyo 2020.
Scott Vincent ni bwo bwambere azoba agiye mu mahiganwa Olempike. Mu 2019, uyu munye Zimbabwe yahejeje ari uwa 4 mw'ihiganwa Japan Open Golf Championships.
Ikipe ya Nigeria ya Basketball izwi kandi nka D'Tigers yaronse itike yonyene ya Afrika mu nkino Olempike za Tokyo 2020 nyuma y'ihiganwa rya 2019 FIBA Basketball World Cup.
Ikipe ya Nigeria ya Basketball izwi kandi nka D'Tigers yaronse itike yonyene ya Afrika mu nkino Olempike za Tokyo 2020 nyuma y'ihiganwa rya 2019 FIBA Basketball World Cup.
Ibi bihangange vya Afrika vyanatsinze Australia na USA mu kw'indwi 2021 mu nkino zibiri zo kwimenyereza imbere ya Olempike.
Ikipe nserukiragihugu ya Angola y'abagore ya handball izwi kandi nka The Pearls niyo yegukanye igikombe nyafrika ca handball mu 2021.
Babaye aba 8 mu nkino Olempike za Rio 2016 nyuma yo gukurwamwo mu ca kane c'ihiganwa.
