Burkina Faso igiye kwinjiza mu gisirikare abagera ku 5000 mu kurwanya intagondwa

Leta ya gisirikare ya Burkina Faso yatangaje gahunda yo kwinjiza mu gisirikare abandi basirikare 5000 bo gufasha mu rugamba rwo kurwanya intagondwa zigendera ku mahame akaze ziyitirira idini ya Islam.

Minisitiri w'ingabo Koloneli Kassoum Coulibaly yavuze ko abo basirikare bashya bagomba kuba bafite hagati y'imyaka 20 na 35 kandi bakaba biteguye gukora akazi ka gisirikare mu gihe nibura cy'imyaka itanu.

Mu cyumweru gishize, abasirikare barenga 50 ba Burkina Faso biciwe mu majyaruguru y'igihugu.

Abandi nibura 15 batangajwe ko bapfuye ku wa mbere mu mutego bari batezwe n'intagondwa zikorana n'umutwe wa al-Qaeda n'umutwe wiyita leta ya kisilamu.

Kuva ibitero by'intagondwa ziyitirira Islam byatangira muri Burkina Faso mu mwaka wa 2015, abantu bagera kuri miliyoni hafi ebyiri bamaze guhunga bata ingo zabo.