Rwanda: Imvo n'Imvano ku bibazo by'abashoferi b'amakamyo yambukiranya imipaka

Insiguro y'amajwi, Rwanda: Imvo n'Imvano ku bibazo by'abashoferi b'amakamyo yambukiranya imipaka
Rwanda: Imvo n'Imvano ku bibazo by'abashoferi b'amakamyo yambukiranya imipaka

Ndabasuhuje mwese abateze amatwi BBC, uyu ni umwanya w'ikiganiro Imvo n'Imvano, none ni ku wa gatandatu tariki 20 y'ukwezi kwa 12 umwaka wa 2025.

Ikiganiro cyacu uyu munsi turaganira ku bibazo by'abashoferi b'amakamyo yambukiranya imipaka ava cyangwa ajya hanze y'u Rwanda, atunda ibicuruzwa bitandukanye.

Abaganiriye na BBC bavuga ko bimwe mu bibazo bibakomereye ari ukutagira amasezerano y'akazi y'igihe kirekire ndetse no kutagira ubwishingizi.

Ni mu gihe abayobozi b'urugaga rumwe mu zihuza amashyirahamwe y'abakozi mu Rwanda ruvuga ko ibyo bibazo babishyikirije inzego za leta zibishinzwe bakaba bagitegereje ko hari icyo zibikoraho.

Amakamyo ane ari mu muhanda munini wa kaburimbo, atatu areba mu cyerekezo kimwe, naho indi kamyo ireba mu kindi cyerekezo.

Amashyirahamwe y'abashoferi b'amakamyo yambukiranya imipaka ntaremerwa neza n'amategeko. Ibi bishobora gutera imbogamizi zo kumvikanisha ibibazo byayo.

Minisiteri y'abakozi ba leta n'umurimo ntiyashatse kugira icyo idutangariza kuri icyo kibazo ariko leta yumvikana kenshi ishishikariza abakozi mu nzego zitandukanye z'imirimo kwishyira hamwe no kwiyandikisha imbere y'amategeko kugira ngo hagize ahavuka ikibazo, amategeko abarengere.

Ikiganiro cy'uyu munsi mwagiteguriwe kandi murakigezwaho na Yves Bucyana.