Imvo n'Imvano: Igice cya kabiri cy'ikiganiro n'umuhanzi 'Africa Nova'

Insiguro y'amajwi, Umva ukanze aho hejuru: Imvo n'Imvano: Igice cya kabiri cy'ikiganiro n'umuhanzi 'Africa Nova'
Imvo n'Imvano: Igice cya kabiri cy'ikiganiro n'umuhanzi 'Africa Nova'

Mbaramukanyije amahoro mwese muteze amatwi Imvo n'Imvano yo kuri uyu wa gatandatu tariki 18 y'ukwa 10 mu 2025. Nkuko nabibemereye ubushize, uyu munsi turakomeza ikiganiro twagiranye na Antoine Marie Zacharie Rugerinyange, uzwi ku izina ry'ubuhanzi rya Africa Nova.

Uyu Murundi wabaye icyamamare kuva mu myaka ya za 70 namusanze i Ottawa muri Canada aho amaze imyaka 20 atuye.

Igice cya kabiri cy'iki kiganiro kandi turaganira n'umucuruzi w'Umunyarwanda witwa Jean Claude Bikamba, nasanze mu mujyi wa Gatineau, aho akora ubucuruzi bwa 'restaurant'. Amaze imyaka 11 afunguye 'restaurant' yise Caramela.

Antoine Marie Zacharie Rugerinyange 'Africa Nova', Félin Gakwaya na Jean Claude Bikamba bahagaze bareba muri 'camera' bamwenyura. Inyuma yabo hari urukuta ruriho ishusho ikoze mu irangi y'umuntu uteze igitambaro mu mutwe cyo mu gitenge.
Insiguro y'isanamu, Umunyamakuru wa BBC Gahuzamiryango Félin Gakwaya (ibumoso) na Jean Claude Bikamba

Yatangiye akorera ahantu ashobora kwakira abantu 30 gusa, abantu bamaze kumubana benshi yimukira aho namusanze ashobora kwakirira abagera kuri 300.

Yatangiye ari wenyine, none afite ubushobozi bwo kuba yakoresha abakozi 12. Hari n'ibindi bikorwa byo kugaburira abakoze iminsi mikuru barenga 400.

Iki kiganiro mwagiteguriwe kandi murakigezwaho na Félin Gakwaya.