Amwe mu mafoto yaranze Afurika muri iki cyumweru

Inyandiko gusa

Aya ni amwe mu mafoto twabahitiyemo yaranze Afurika muri iki cyumweru, kuva ku itariki ya 16 kugeza ku ya 22 Kanama (8) muri uyu mwaka wa 2024.

Floriane Irangabiye asuhuzanya n'abunganizi be mu mategeko

Ahavuye isanamu, TCHANDROU NITANGA / AFP

Insiguro y'isanamu, Umunyamakuru w'Umurundikazi unanenga ubutegetsi, Floriane Irangabiye, arashimira itsinda ry'abunganizi be mu mategeko bakomeje kwinginga perezida ngo amufungure, bikarangira abikoze ku wa gatanu ushize, akamuha imbabazi.
Umugore uteruye umwana mu burasirazuba bwa Repubulika ya Demokarasi ya Congo

Ahavuye isanamu, ARLETTE BASHIZI / REUTERS

Insiguro y'isanamu, Ku cyumweru, mu burasirazuba bwa Repubulika ya Demokarasi ya Congo, Justine Munguiko akikiye umwana we wakize ubushita bw'inkende. Inzobere yo ku rwego rwo hejuru mu ishami ry'Umuryango w'Abibumbye ryita ku buzima (OMS/WHO), yavuze ko iyi virusi "ntabwo ari Covid nshya" kuko abashinzwe ubuvuzi bazi neza uburyo bwo guhagarika ikwirakwira ryayo.
Abahatanira kuba ba Nyampinga muri Kenya

Ahavuye isanamu, PATRICK MEINHARDT / AFP

Insiguro y'isanamu, Mu cyumba cy'inyuma (cyangwa 'backstage'), aba bahatana mu irushanwa ry'ubwiza rya Miss Universe Kenya bari barimo kwitegura ku wa gatanu ushize, i Nairobi, mbere yuko biyereka (baseruka)...
Abafana bitabiriye Miss Universe Kenya

Ahavuye isanamu, PATRICK MEINHARDT / AFP

Insiguro y'isanamu, Abaje kubareba barabishimiye cyane.
Amakamyo apakiye ari mu muhanda

Ahavuye isanamu, IOM / REUTERS

Insiguro y'isanamu, Ku wa gatatu, imfashanyo y'ibiribwa amaherezo yemerewe kwinjira mu karere ka Darfur muri Sudan ku nshuro ya mbere mu mezi atandatu ashize. Ibyo byagezweho nyuma y'igitutu cy'amahanga cyo kwirinda ko haduka inzara mu gihugu hose. Umuryango w'Abibumbye ugereranya ko abarenga kimwe cya kabiri cy'abaturage bose ba Sudan bacyeneye imfashanyo.
Abagore baririmba bishimye batunze intoki hejuru

Ahavuye isanamu, AMOS GUMULIRA / AFP

Insiguro y'isanamu, Abo mu ishyaka DPP rikomeye mu yatavuga rumwe n'ubutegetsi muri Malawi bateraniye mu nama ku cyumweru, aho uwahoze ari Perezida wa Malawi Peter Mutharika yatowe nk'umukandida uzarihagararira mu matora ya perezida yo mu mwaka utaha.
Abantu bari mu bwato bukoze mu biti

Ahavuye isanamu, CHANCELIN MBAIRAMADJI MOITA/EPA

Insiguro y'isanamu, Ku wa gatatu, abantu bo mu murwa mukuru N'Djamena wa Tchad wibasiwe n'imyuzure, barakoresha ubwato kugira ngo bashobore gukora urugendo. Ingo zirenga 16,000 zarangiritse ndetse zirasenyuka kuva hagati muri Nyakanga (7) uyu mwaka.
Abagabo babiri bafashe imikufi/imiringa yo mu ijosi

Ahavuye isanamu, SIMON MAINA / AFP

Insiguro y'isanamu, Abaraperi babiri baririmbana bo muri Kenya, bazwi ku izina rya Wadagliz, barimo kwifotoza mu gikaniro n'itangazamakuru mu murwa mukuru Nairobi. Indirimbo yabo izwi cyane yitwa Anguka Nayo - bivuze "Manukana na yo" - yarakoreshejwe cyane mu myigaragambyo iherutse kuba mu gihugu iyobowe n'urubyiruka yo kwamagana leta.
Abantu bitabiriye igitaramo nijoro barimo n'abamanitse telefone zigendanwa barimo kwifotora

Ahavuye isanamu, GUERCHOM NDEBO / AFP

Insiguro y'isanamu, Abafana i Goma muri Repubulika ya Demokarasi ya Congo bari babukereye mbere y'igitaramo cy'umuhanzi Fally Ipupa cyo ku wa gatanu ushize. Byarangiye uwo muhanzi w'Umunye-Congo aburijemo ibitaramo bimwe - abaguze amatike basezeranyijwe gusubizwa amafaranga ariko benshi binubiye ko batarabona amafaranga yabo.
Imbaga y'abantu barimo n'abafite amabendera mato ya Gabon y'amabara y'icyatsi kibisi, umuhondo n'ubururu

Ahavuye isanamu, WILFRIED MBINAH / AFP

Insiguro y'isanamu, Ku wa gatandatu, abantu barazunguza amabendera mu murwa mukuru Libreville wa Gabon, ubwo hakorwaga akarasisi mu birori by'umunsi mukuru w'ubwigenge.
Abateramakofe bahoberanye

Ahavuye isanamu, JEFF BOTARI / GETTY IMAGES

Insiguro y'isanamu, Umuteramakofe Dricus Du Plessis (iburyo) wo muri Afurika y'Epfo n'umuteramakofe Israel Adesanya wo muri Nigeria, barahoberana nyuma yo guterana ingumi zivuza ubuhuha, mu kurwana kwo mu irushanwa ry'abafite ibiro biri hagati na hagati kwabaye ku cyumweru, ryegukanwe na Du Plessis.
Umugore wicaye ku ntebe imbere y'ameza arimo gupepera robo

Ahavuye isanamu, MONICAH MWANGI / REUTERS

Insiguro y'isanamu, Ku wa kane, umukiliya arimo gushimira robo yamuzaniye amafunguro muri resitora ikoramo amarobo (Robot Cafe), mu murwa mukuru Nairobi wa Kenya.