Imvo n'Imvano ku ishusho y'ubuhahirane hagati y'u Rwanda na DRC nyuma y'umwaka M23 ifashe Goma

Inyandiko gusa
Insiguro y'amajwi, Imvo n'Imvano ku ishusho y'ubuhahirane hagati y'u Rwanda na DRC nyuma y'umwaka M23 ifashe Goma
Igihe co gusoma: iminota 2

Ndabashuhuje mwese abateze amatwi BBC, none ni ku wa gatandatu tariki 31 y'ukwezi kwa mbere umwaka wa 2026, uyu ni umwanya tubagezaho ikiganiro Imvo n'Imvano.

Ikiganiro cyacu uyu munsi turi mu mujyi wa Rubavu uhana imbibi n'umujyi wa Goma muri Repubulika ya Demokarasi ya Congo (DRC).

Hashize umwaka umutwe wa M23 ufashe umujyi wa Goma. Turareba uko ubucuruzi bwambukiranya imipaka hagati y'uwo mujyi n'umujyi wa Rubavu mu Rwanda buhagaze, cyane cyane ku bivugwa ko bwagize impinduka zikomeye.

Amasaha yo gufunga no gufungura imipaka yariyongereye cyane kuruta uko byari bimeze mbere, bihindura cyane ubucuruzi n'urujya n'uruza rw'abatuye iyo mijyi.

Raporo y'ikigo cya leta y'u Rwanda cy'ibarurishamibare igaragaza ko umwaka ushize u Rwanda rwohereje muri Repubulika ya Demokarasi ya Congo ibicuruzwa bifite agaciro ka miliyoni zirenga 62 z'amadorari y'Amerika (arenga miliyari 91 uyavunje mu mafaranga y'u Rwanda).

DRC n'Umuryango w'Abibumbye bashinja u Rwanda gufasha umutwe wa M23 ugenzura Goma, u Rwanda ruhakana ibivugwa, rwo rukavuga ko rwafashe gusa ingamba zo kwirinda.

Ni ikiganiro mwateguriwe kandi mugezwaho na Yves Bucyana.

Abagabo benshi bari mu muhanda wa kaburimbo, umwe ari ku kinyabiziga cy'imitende kirimo gusunikwa gitwaye ibicuruzwa birimo n'imineke, abandi bari ku magare, hari n'umugabo wikoreye umufuka w'umuhondo.