Ni iki gikurikiyeho nyuma y'amasezerano y'amahoro hagati y'u Rwanda na RD Congo?

Inyandiko gusa
Minisitiri w'ububanyi n'amahanga w'u Rwanda Olivier Nduhungirehe na Minisitiri w'ububanyi n'amahanga wa DRC Thérèse Kayikwamba ubwo bashyiraga umukono ku masezerano y'amahoro muri minisiteri y'ububanyi n'amahanga y'Amerika, imbere ya Minisitiri Marco Rubio (hagati). Ifoto yafotorewe i Washington DC, ku itariki ya 27 Kamena (6) mu mwaka wa 2025.

Ahavuye isanamu, AFP via Getty Images

Insiguro y'isanamu, Minisitiri w'ububanyi n'amahanga w'u Rwanda Olivier Nduhungirehe n'uwa DRC Thérèse Kayikwamba ubwo bashyiraga umukono ku masezerano y'amahoro muri minisiteri y'ububanyi n'amahanga y'Amerika, imbere ya Minisitiri Marco Rubio
    • Umwanditsi, Isesengura rya Will Ross
    • Igikorwa, Umwanditsi mukuru wa BBC kuri Afurika

Umuryango w'Ubumwe bw'Afurika wavuze ko isinywa ry'amasezerano y'amahoro hagati y'u Rwanda na Repubulika ya Demokarasi ya Congo ari intambwe y'ingenzi itewe ku mahoro mu karere.

Yashyizweho umukono i Washington ku wa gatanu, nyuma y'ibiganiro byagizwemo uruhare n'Amerika na Qatar.

Agezweho nyuma y'amezi umutwe w'inyeshyamba wa M23, ufashwa n'u Rwanda, ufashe ibice binini byo mu burasirazuba bwa Congo.

U Rwanda ruhakana gufasha M23 nubwo hari raporo nyinshi zo kwizerwa zirushinja.

Icyitezwe gukurikiraho ni cyo gice kigoye.

Igisirikare cya Congo cyemeye guhagarika gukorana ahubwo kikarwanya umutwe w'inyeshyamba wa FDLR u Rwanda ruvuga ko uteye inkeke ku mutekano warwo.

Abasirikare b'u Rwanda babarirwa mu bihumbi bitezwe kuva mu burasirazuba bwa Congo.

Hakaba rero n'ikibazo cy'inyeshyamba za M23.

Ubutegetsi bwa Kinshasa burashaka gusubirana uturere dukungahaye ku mabuye y'agaciro twafashwe n'abarwanyi ba M23.

Niba ibyo bizashoboka, bizaterwa n'ukuntu ibiganiro byo muri Qatar bizagenda hagati y'izo nyeshyamba n'abategetsi ba Congo.

Hejuru y'ibyo byose, u Rwanda na Congo bigomba gukomeza kuganira no kubaka icyizere.

Ubutegetsi bw'Amerika buzacyenera gukomeza kubaba hafi.