Perezida Nkurunziza yanyarukiye mu Rwanda
Ahavuye isanamu,
Perezida w'Uburundi, Pierre Nkurunziza yagiriye uruzinduko rugufi mu Rwanda aho yaganiriye n'umukuru w'Urwanda Paul Kagame.
Perezida w'Uburundi Pierre Nkurunziza yanyarukiye i Butare mu Rwanda aho yaganiriye n'umukuru w'Urwanda Paul Kagame mu gihe kigera hafi ku isaha.
Ibiro by'umukuru w'igihugu cy'Uburundi biravuga icyo urwo ruzinduko rwari rugamije ari ukwerekana ko umubano hagati y'Uburundi n'Urwanda wifashe neza.
Biravuga kandi mubyo baganiriye harimo ikibazo cy'abarundi bamaze iminsi bahungira mu Rwanda bavuga ko batinya ko umutekano wabo ushobora guhungabana muri kino gihe Uburundi bwitegura kujya mu matora.
Ibiro by'umukuru w'igihugu mu Burundi byabwiye BBC kandi ko abo bakuru b'ibihugu bombi biyemeje gukora uko bashoboye kugirango izo mpunzi zisubire mu Burundi ngo kubera ko nta kibazo cy'umutekano kiri muri icyo gihugu cyatuma abantu bahunga.
