Ethiopia – Tigray: Umukuru wa UN António Guterres yashimye ibikorwa byerekeza ku mahoro

Inyandiko gusa
Mu gihe cyashize ONU yumvikanye itabaza isaba ko habaho amahoro muri Ethiopia

Ahavuye isanamu, Getty Images

Insiguro y'isanamu, Mu gihe cyashize ONU yumvikanye itabaza isaba ko habaho amahoro muri Ethiopia

Umunyamabanga mukuru w'umuryango w'abibumbye (ONU/UN) António Guterres yavuze ko hari "ibikorwa bigaragara byo kugera ku mahoro" muri Ethiopia, nyuma y'umwaka urenga iki gihugu kiri mu ntambara.

Bwana Guterres yavuganye na Olusegun Obasanjo, intumwa nkuru y'umuryango w'Ubumwe bw'Afurika (AU/UA) mu karere k'ihembe ry'Afurika, wamubwiye uko ibikorwa bigamije kugera ku mahoro bimeze.

Bwana Obasanjo amaze igihe agirana ibiganiro n'abategetsi bo muri leta ya Ethiopia ndetse n'inyeshyamba zo mu mutwe wa Tigray People's Liberation Front (TPLF).

Umunyamabanga mukuru wa ONU yavuze ko intumwa ya AU "yagaragaje icyizere ko ubu noneho hari amahirwe nyayo yo kugera ku muti w'intambara unyuze mu nzira ya politiki na diplomasi".

Ingabo za leta ya Ethiopia zimaze amezi 14 zirwana n'inyeshyamba zo mu karere ka Tigray mu majyaruguru y'igihugu, mu ntambara imaze guhitana abantu babarirwa mu bihumbi.

Imirwano ku butaka yarahagaze hagati y'impande zombi, ariko mu gihe cya vuba aha gishize hari amakuru yuko imirwano yongeye kubura.