Ivory Coast: Gbagbo yitezwe kugirana ibiganiro na Perezida Ouattara

Inyandiko gusa
Laurent Gbagbo yasubiye mu gihugu mu kwezi kwa gatandatu nyuma yuko urukiko rwa ICC/CPI rusanze ari umwere ku byaha byo mu ntambara

Ahavuye isanamu, Getty Images

Insiguro y'isanamu, Laurent Gbagbo yasubiye mu gihugu mu kwezi gushize nyuma yuko urukiko rwa ICC/CPI rusanze ari umwere ku byaha byo mu ntambara

Kuri uyu wa kabiri biteganyijwe ko Perezida wa Côte d'Ivoire Alassane Ouattara ahura n'uwo yasimbuye Laurent Gbagbo.

Iyi iraba ari yo nama ya mbere bahuriyemo kuva habaye urugomo rwakurikiye amatora ya perezida yo mu 2010, rwiciwemo abantu bagera ku 3,000 naho abagera kuri miliyoni imwe bakava mu byabo, nkuko umuryango w'abibumbye (ONU/UN) ubivuga.

Irabera mu biro bya perezida.

Bwana Gbagbo yasubiye mu gihugu mu kwezi kwa gatandatu, nyuma yuko urukiko mpuzamahanga mpanabyaha (ICC/CPI) rwemeje ko ari umwere ku byaha byo mu ntambara yaregwaga.

Abo bagabo bombi barimo guharanira ko habaho amahoro n'ubwiyunge.

Umuvugizi wa Bwana Gbagbo yavugiye mu kiganiro n'abanyamakuru ko bombi baganiriye kuri telefone, mbere y'ibi biganiro byo kuri uyu wa kabiri.

Bwana Gbagbo aherutse gutangaza ko we na Henri Konan Bédié, na we wahoze ari Perezida, bishyize hamwe mu kutavuga rumwe n'ubutegetsi bwa Perezida Ouattara.