Ingabire na Kizito bavuganye na BBC nyuma yo kurekurwa na Prezida Kagame
Ahavuye isanamu, Getty Images
Ingabire Victoire na Kizito Mihigo bavuganye na BBC nyuma yo kurekurwa ku mbabazi z'umukuru w'igihugu cy'u Rwanda, Paul Kagame.
Madamu Victoire wari muri gereza ku gihano cy'imyaka 15 yakatiwe n'urukiko rw'ikirenga amaze guhamwa n'ibyaha birimo guhungabanya umutekano w'igihugu ndetse no gupfobya jenoside.
Yafunguwe n'iteka rya perezida rimuha imbabazi hamwe n'abandi bafungwa bose hamwe 2140.
BBC yavuganye nawe, itangira imubaza uko yamenye amakuru y'ifungurwa rye.
Ahavuye isanamu, Getty Images
Undi wafunguwe ku iteka ry'umukuru w'igihugu ritanga imbabazi, ni umuhanzi w'icyamamare Kizito Mihigo.
Kizito yakatiwe gufungwa imyaka 10 muri 2015 amaze kwemera no guhamwa n'ibyaha birimo kugerageza kugirira nabi perezida Paul Kagame ndetse no kwangisha rubanda ubutegetsi.
Nyuma yo gusohoka muri gereza, avuga ko azakomeza umwuga we wo kuririmba.
