Abatavuga rumwe na leta muri Zimbabwe batanye mu mitwe n'abajejwe umutekano bagiriza leta kwiba amatora

Inyandiko gusa
Abari mu myiyerekano batera amabuye bakanaturira amapine

Ahavuye isanamu, Getty Images

Insiguro y'isanamu, Abari mu myiyerekano batera amabuye bakanaturira amapine

Abajejwe umutekano muri Zimbabwe batanye mu mitwe n'abashigikiye abatavuga rumwe na leta ku murwa mukuru Harare, bagiriza leta kwiba amatora y'ejo kuwa mbere.

Humvikanye urufaya rw'amasasu kandi bikavugwa ko umuntu umwe yarashwe agahwera.

Abasirikare bitwaje imbugita zishirwa ku nkoho zizwi kw'izina rya bayonettes, birutse ku banyagihugu mu mabarabara.

Abajejwe umutekano bakoresheje amasasu nyayo hamwe n'vyuka bikoroza amarira

Ahavuye isanamu, Getty Images

Insiguro y'isanamu, Abajejwe umutekano bakoresheje amasasu nyayo hamwe n'vyuka bikoroza amarira

Igipolisi cakoresheje amasasu nyayo hamwe n'ivyuka biryana mu maso ku bari mu myiyerekano, nabo bagatera amabuye banaturira amapine.

Imyiyerekano yatanguye umugwi ujejwe amatora umaze kumenyesha ko umugambwe uri ku butegetsi, ZANU-PF, watsindiye bibiri vya gatatu vy'intebe zo mu nama nshingamateka.

Imyiyerekano yatanguye bimaze gutangazwa ko ZANU-PF yatsinze amatora y'inama nshingamateka

Ahavuye isanamu, Getty Images

Insiguro y'isanamu, Imyiyerekano yatanguye bimaze gutangazwa ko ZANU-PF yatsinze amatora y'inama nshingamateka

Mu gihe ivyavuye mu mataro y'umukuru w'igihugu bitaramenyekana, umukuru w'igihugu ariho ubu, Emmerson Mnangagwa, yamagariye abantu gutekana.