Ifatwa ku nguvu ry'umunyeshure muri Kenya ryateje imyiyerekano

Abahora biga kw'ishuli ryisumbuye Moi Girls High School i Nairobi bari mu myiyerekano kw'irembo ry'iryo shuli, inyuma yaho umwe mu banyeshuli baho afatiwe ku nguvu ku munsi wa gatandatu.

Abanyeshuli bavuze ko abagabo batatu binjiye mu buryamo bw'abakobwa, basambanya ku nguvu umwe muribo mu gihe abandi babiri bashoboye guhunga.

Bamwe mu bari mu myiyerekano bari bambaye umwambaro wo kuri iryo shuli, abandi bitwaje ivyapa.

Umwe mu bari mu myiyerekano yari yiyambitse nk'uwibugenze, aririmba mu giswahili ati: "Umwana navyaye nta burenganzira afise."

Ikigo c'imboneshakure gikorera mu gihugu cerekanye amasanamu ya video y'iyo myiyerekano.