Umupolisi wa Kongo yishe uwigaragamvya yapfunzwe uwo guherayo
Ahavuye isanamu, Getty Images
Umupolisi wo muri Republika Iharanira Demokrasi ya Kongo yarashe akica umuntu yari mu myiyerekano i Mbandaka, mu buraruko bushira uburengero, yakatiwe igipfungo ca burundu.
Bivugwa ko uwo mupolisi yarashe uwo muntu igihe yariko arataha muhira avuye mu myiyerekano.
Abantu babiri barishwe barashwe n'abajejwe umutekano mu myiyerekano iheruka ishigikiwe n'ishengero Gatolika.
Haciye amezi haza haraba imyiyerekano yo kwiyamiriza Prezida Joseph Kabila, yagumye ku butegetsi naho ikiringo ciwe caheze mu 2016.
