Somalia: Al Shabaab yateye ikigo ca gisirikare kiri Kismayo

Inyandiko gusa
Al Shabaab yemeye ko ariyo yagavye igitero co muri Kismayo

Ahavuye isanamu, NONE

Insiguro y'isanamu, Al Shabaab yari yakuwe muri Kismayo ubw ambere mu 2012 n'ingabo za Kenya

Amakuru aturuka mu binyamakuru vyo muri Somali amenyesha ko avuga ko igitero cagabwe ku kigo ca gisirikare ca Bala Gudud, catanguriwe n'igisasu caturikijwe mu modokari mu gatondo ka kare.

Igisasu catezwe mu modokari cabanjirije igitero co ku kigo ca gisirikare ca hafi y'icambu ca Kismayo, cakurikiwe n'urutavanako rw'amasasu yaturuka mu mihingo itandukanye.

Abanyagihugu bo muri Kismayo bavuga ko bumvise ikintu giturika, n'urwamo rw'amasasu.

Abasirikare baharugw amu majana bacumbikiwe muri ico kigo ca Bala Gudud.

Abagwanyi ba Al Shabaab bavuga ko bishe abasirikare bagera ku mirongo ibiri, ariko nta makuru yoi kwizerwa, ataho ahengamiye araboneka kuri ivyo.