Aba Tanzaniyakazi bagorewe muri Aziya

Inyandiko gusa
Abajanwa mu bihugu vya Aziya bizezwa akazi

Ahavuye isanamu, other

Insiguro y'isanamu, Abagore n'abakobwa ba Tanzaniya (ifoto ya kera)

Abenshi mu banya Tanzaniyakazi bajanywe mu Buhinde bizezwa ubuzi, bakoreshwa nk'abakozi bo mu nzu, ata masezerano, nk'ubo vyatangajwe n'umushikiranganji w'imigenderanire wa Tanzania n'amakungu.

Abo banya Tanzaniyakazi bakorerwa amabi menshi harimwo no gukoreshwa ubucakara bufatiye ku gitsina, nk'uko abategetsi b'igihugu cabo bavyemeza.

Benshi bakoreshwa ibikorwa vy' ubucakara

Ahavuye isanamu, other

Insiguro y'isanamu, Abashitse muri Aziya barakwa ivya ngombwa vy'inzira

Abandi ngo bariheba bakaja mu bumalaya kugira barabe ko boramuka kabiri, nk'uko leta ya Tanzania ivyemeza.

Akenshi abo bakenyezi n'abigeme bashitseyo, baca bakwa ivya ngombwa bibaranga harimwo ibitabo vy'inzira, gutyo ntibabashe gutoroka mu gihe bifuje gusubira iwabo.