FMI: Zimbabwe ikeneye kunagura ubutunzi vyihuta

Inyandiko gusa
People queue to draw money outside a bank in Harare, Zimbabwe, 15 November 2017

Ahavuye isanamu, Reuters

Insiguro y'isanamu, Umutegetsi mushasha Emmerson Mnangagwa yemeye " Akazi, akazi, akazi" ariko abaraba ibintu n'ibindi bavuga ko gusubiza itoto ubutunzi bwa Zimbabwe ari akazi katoroshe

Zimbabwe itegerezwa kwihutira gusubiza itoto ubutunzi no gusubira kugira uburenganzira ku mfashanyo y'amakungu, nk'uko bivugwa n'ikigega c'isi, FMI.

Amahera reta ikoresha hamwe n'ideni ry'amahera y'agaciro Zimbabwe ifise n'umurengera, ku buryo ico gihugu gikeneye kubisubiramwo, nk'uko uwuserukira iryo shirahamwe muri ico gihugu Gene Leon yabibwiye itororokanirizo ry'amakuru rya Reuters.

Umutegetsi mushasha agiye kwimikwa, Emmerson Mnangagwa yiyemeje guteza imbere ubutunzi no kugwiza "akazi , akazi ,akazi".

Ico gihugu cigeze kuba gifise ubutunzi bukomeye ubu kibonwa nk'igiseke kigaragara mu karere.

"Uko ubutunzi bwifashe muri Zimbabwe biracagoye cane," ni ko Leon yabwiye Reuters.

Emmerson Mnangagwa yagarutse muri Zimbabwe

Zimbabwe ngo igiye gutangura ibihe bishasha vya Demokarasi

Yavuze ko amahera menshi reta ikoresha ategerezwa gusubirwamwo kandi ico gihugu gitegerezwa guhangana n'ideni ry'umurengera cafashe.

Skip Ibisomwa cane and continue reading
Ibisomwa cane

End of Ibisomwa cane

"Ingingo zo kugabanya igihengeri kinini zitegerezwa kwihutirwa, gusubiramwo ubutunzi bikihutirwa, hanyuma imigenderanire n'amakungu ikiyongera kugira Zimbabwe ironke imfashanyo y'amahera." ni ko Leo yavuze.