O ddwy oed i ddeunaw: Ysgol Sul fyrlymus Ynys Môn

"Defod, ar y Nadolig, yw fod

Plant y festri, y bychain,

Yn cyflwyno yn ein capel ni

Ddrama y geni"

Dyna eiriau cyfarwydd Gwyn Thomas o'i gerdd Drama'r Nadolig. Mae'n olygfa sydd yr un mor gyfarwydd i ni â stori'r Nadolig ei hun – plant yr ysgol Sul yn y set fawr yn eu gwisgoedd lliwgar a'u tinsel.

Ond gyda niferoedd yn gostwng bob blwyddyn, beth yw dyfodol ysgolion Sul yng Nghymru?

Eleni fe aeth Cymru Fyw i weld paratoadau un Ysgol Sul yn Ynys Môn, sef Ysgol Sul Capel Ifan, Llannerchymedd – sydd, yn ôl aelodau'r capel, yn un o ddim ond pump Ysgol Sul sydd ar ôl ar yr ynys.

Teg dweud ei bod hi'n Ysgol Sul fyrlymus, gyda 25 o blant yn y cyngerdd eleni.

Linda Jones sydd wrth y llyw yno, ac mae'n ymfalchïo yn y plant a'r bobl ifanc a'u parodrwydd i gymryd rhan. Mae ystod oedran o ddyflwydd i 18 ymysg y rhai sy'n perfformio, gydag ambell un yn dychwelyd o'r brifysgol i gymryd rhan.

Dyma i chi gip ar y gwaith da maen nhw'n ei wneud yno.

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i [email protected], dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.