Arweiniwyd y Côr gan James Griffiths gyda Lowri Roberts Williams yn cyfeilio.

Cafwyd unawd gan y baswr Bob Thomas a hefyd gan Gareth Hughes ar yr euphonium gyda James Griffiths yn cyfeilio.

Ar ddydd Sadwrn, 1 Mai, canodd y Côr mewn priodas yn Eglwys Babyddol St lago, Bangor.

Cafwyd sawl eitem cyn dechrau'r gwasanaeth ac yn ystod yr arwyddo.

Cafwyd unawd gan Norman Evans gyda Lowri Roberts Williams yn cyfeilio.

Ar nos Fawrth, 18 Mai, canodd y Côr o flaen cynulleidfa fawr, fel arfer, yn Eglwys Sant Ioan, Llandudno.

Bydd y Côr yn canu mewn o leiaf 4 cyngerdd bob blwyddyn yma a chael derbyniad gwych bob tro.

Cafwyd unawd gan Bob Thomas gyda Gwilym Lewis yn cyfeilio a hefyd cafwyd unawd organ gan James Griffiths, Arweinydd y Côr.

Cyfeilydd y Côr oedd Lowri Roberts Williams.

Ar ôl y cyngerdd cafwyd cyfarfod byr pan drosglwyddodd Dafydd Morris, o Gwmni Brodyr Hogan, gyflenwad o ffeiliau i'r Côr.

Mae'r rhain yn drawiadol iawn gydag arfbais y Côr yn amlwg iawn arnynt.

Diolch i'r Brodyr Hogan am noddi'r Côr fel hyn - hogiau Bangor yn cefnogi Côr Bangor! Llais Ogwan