Mae'n gweithio yn Ysbyty Llwynhelyg, yn ferch i Capten Chris a Mrs Rhuddian Burge, Abergwaun, ac nid oedd un syniad ganddi ei bod wedi cael ei noddi am y wobr yma.

Gwraig a fu o dan ei gofal pan yn feichiog oedd Mrs. Buffy Roberts, Aberdaugleddau. Roedd Buffy mor ddiolchgar i Anwen am y cymorth a gafodd ar enedigaeth ei mab Jack, pan gorfu hi gael llawdriniaeth cyn iddo ddod i'r byd, felly pan welodd gyfeiriad mewn rhyw bapur am nodi'r Fydwraig orau yn y wlad, rhoddodd enw Anwen ymlaen.

Cafodd y seremoni anrhegu ei chynnal yn Huddersfield, pan bu Ben Cohen, chwaraewr rygbi yn ei anrhegu â'i gwobr - Mamas a Papas BydWraig Cymru am y Flwyddyn. Roedd Mr. Cohen wedi dewis rhoi'r clod iddi, ar ôl genedigaeth ei efeilliaid - dwy ferch. Cafodd Anwen ddiwrnod i gofio yno.

Roedd Anwen hefyd yn un o naw ymgeisydd yn y prawf terfynol, allan o'r wlad i gyd, ond yn anffodus ni chipiodd y fraint yno, ond mae'n hapus dros ben ei bod wedi ennill y wobr yma, Bydwraig Cymru am 2007, a r'yn ni gyd yn ei llongyfarch yn wresog iawn. Da iawn Anwen - i chi'n haeddu'r clod.