Bu dathlu mawr yn Awelfa, Porthyrhyd yn ddiweddar. Mae deng mlynedd wedi mynd ers i Dylan Williams gael trawsblaniad arennau a phancreas.

Felly, penderfynodd Dylan a Carol ar barti i ddathlu, gan wahodd teulu a ffrindiau i'r ty i gael gwledd, er bod y tywydd yn wlyb.

Trefnwyd bod casgliad yn cael ei wneud tuag at Ymchwil yr Arennau, a thrwy garedigrwydd Banc Barclays, oedd yn rhoi swm penodol, codwyd y swm anrhydeddus o £1,770 tuag at yr apêl.

Diwrnod cofiadwy i bawb - yn enwedig Dylan sy'n dal i ganu ac, yn ôl yr englyn (gan Iwan Rhys):

Y mae hwn yma o hyd - er bob clais.

Er bob clwy a chlefyd,

Gan fyw, trwy gân ei fywyd

Wrth yr awr ym Mhorthyrhyd.