Mae Williams yn anelu i ennill y gystadleuaeth am y trydydd tro. Williams enillodd y bencampwriaeth yn 2000 a 2003. Gwrthwynebydd Williams yn y rownd derfynol yn 2000 oedd Matthew Stevens. Cyrhaeddodd Stevens y rownd derfynol yn 2005 hefyd, a'i wrthwynebydd yn y rownd gyntaf eleni fydd Mark Allen. Gêm sy'n addo digon o gyffro ydi honno rhwng Dominic Dale a chyn-bencampwr y byd, Ronnie O'Sullivan. Mae Dale yn rif 32 yn y byd, tra bo O'Sullivan wedi llithro i'r degfed safle. Mae'r pumed Cymro i gyrraedd y Crucible, Andrew Pagett, yn cwrdd â Jamie Cope yn y rownd agoriadol. Bydd y gystadleuaeth yn dechrau ar 16 Ebrill, ac yn darfod ar yr Ail o Fai.
 | 
