Bydd y ddwy gêm yn cael eu cynnal ar bnawn Sadwrn, 9 Ebrill, gyda Bangor a GAP Cei Conna yn cwrdd gyntaf - eu gêm nhw yn cychwyn ar gae Belle Vue, Rhyl am 12.30. Yna, bydd y Seintiau Newydd a Llanelli yn cwrdd ar Goedlan y Parc, Aberystwyth, gyda'r gic gyntaf am 3.05. Yr unig fodd i gefnogwyr brynu'r tocynnau'n rhatach ydi drwy gysylltu â Chymdeithas Pêl-droed Cymru, a thalu efo cerdyn credit. Yna, bydd y tocynnau yn cael eu danfon yn y post i'r prynwr. Y rhif ffôn ar gyfer archebu tocynnau yw 02920 435830.
 | 
