Hon oedd y chweched fedal aur i'r Americanwr, a'r chweched tro iddo dorri record byd.

Roedd siom i Brydain wrth i James Goddard orffen y ras yn chweched a Liam Tancock yn wythfed.

Enillodd tîm gwibio Prydain y fedal aur ar y trac seiclo gan orffen hanner eiliad yng nghynt na'r pencampwyr byd, Ffrainc, yn y rownd derfynol.

Yn y ras ymlid unigol, fe sefydlodd Bradley Wiggins record Olympaidd newydd yn y rowndiau rhagbrofol. Llwyddodd Steven Burke i fynd ymlaen i'r rownd nesaf hefyd.

Draw yn y tenis, mae Fernando Gonzalez o Chile wedi cyrraedd rownd derfynol senglau'r dynion ar ôl curo'r Americanwr James Blake 4-6 7-5 11-9. Blake gurodd Roger Federer yn y rownd gynderfynol ddydd Iau.

Bydd Gonzalez yn chwarae Rafael Nadal neu Novak Djokovic yn y gêm am y fedal aur.

Cychwynnodd y campau athletau ddydd Gwener, gyda sêr 100m i ddynion yn cystadlu.

Lwyddodd Usain Bolt, Asafa Powell a Tyson Gay i gyrraedd y rownd gynderfynol, fydd yn cael ei chynnal am 1305 BST brynhawn ddydd Sadwrn, gyda'r rownd derfynol i ddilyn dwy awr a hanner yn ddiweddarach.