| Cafodd y ddwy gamp eu cymeradwyo yn dilyn pleidlais o aelodaeth llawn bwrdd rheoli y Gemau Olympaidd yn Denmarc ddydd Gwener. Collodd golff ei le yn y Gemau nol yn 1905, gyda rygbi yn dioddef yr un ffawd yn 1924. Mae Tiger Woods a Padraig Harrington wedi dweud y bydd holl sêr y byd golff yn awyddus i gystadlu ym Mrasil yn 2016, gyda Jonah Lomu yn adrodd yr un neges ar ran rygbi. Mae'r ddwy gamp hefyd wedi cael eu cymeradwyo ar gyfer y Gemau yn 2020, ond bydd y penderfyniad terfynol yn cael ei wneud yn dilyn adolygiad o'r Gemau blaenorol.
 | 
