Bu'r bocsiwr o Lundain ar y blaen o'r cychwyn cyntaf yn erbyn Emilio Correa o Cuba yn y rownd derfynol.

Ychwanegodd Tim Brabants fedal efydd i'r aur enillodd ddydd Gwener ar ôl gorffen yn drydydd yn ras 500m y caiac.

Collodd Sarah Stevenson yn rownd gyn derfynol y taekwondo yn erbyn Maria del Rosario Espinoza o Fecsico.

Yn gynharach dyfarnwyd bod Stevenson wedi colli gornest dadleuol yn erbyn Chen Zhong o Tsiena yn rownd yr wyth olaf.

Ond bu protest Prydain yn erbyn y canlyniad yn llwyddiannus ac roedd Stevenson yn ôl yn y gystadleuaeth.

Ac yn ddiweddarach fe sicrhaodd Stevenson fedal efydd - medal cyntaf Prydain yn y taekwondo.

Seithfed oedd y plymiwr 14 oed, Tom Daley yn y gystadleuaeth platffordm 10m.

Yr Ariannin sicrhaodd y fedal aur yn gystadleuaeth bêl-droed i ddynion am yr ail waith yn olynol wedi buddugoliaeth yn erbyn Nigeria.

Ymosodwr Benfica, Angel di Maria sgoriodd unig gôl y rownd derfynol wedi 58 munud o'r gêm yn y 'Nyth.'

Roedd Brasil eisoes wedi sicrhau'r fedal efydd ddydd Gwener wedi buddugoliaeth yn erbyn Gwlad Belg gyda ymosodwr Manchester City, Jô yn sgorio dwy gôl.

Yn dilyn buddugoliaeth o 5-2 yn erbyn De Corea, gorffennodd tîm hoci dynion Prydain yn y pumed safle.

Hon oedd eu perfformiad gorau yn y Gemau Olympaidd ers cipio'r aur yn Seoul ym 1988.

Yn ddiweddarach Yr Almaen gipiodd y fedal aur wedi buddugoliaeth o 1-0 yn erbyn Sbaen.