Fe gafwyd arddangosfa tân gwyllt dramatig cyn i'r cystadleuwyr orymdeithio i mewn i stadiwm y 'Nyth' gyda 90,000 o bobl yn bresennol.

Fe barodd y seremoni am dair awr, gyda'r seiclwr o'r Alban Chris Hoy, enillodd dair medal aur, yn derbyn y fraint o arwain tîm Gwelydd Prydain i'r stadiwm.

Yn ystod y seremoni fe dderbyniodd Maer Llundain, Boris Johnson y faner Olympaidd.

Ac yn ogystal fe gafwyd cyflwyniad byr gan drefnwyr Gemau 2012, oedd yn cynnwys ymddangosiad gan cyn gapten Lloegr, David Beckham.

Gemau Beijing oedd y rhai mwya' llewyrchus i wledydd Prydain ers canrif a'r rhai mwya' llwyddiannus i Gymru ers 1920.

Gorffennodd Prydain yn bedwaredd yn y tabl medalau gyda 19 medal aur mewn cyfanswm o 47.

Ymhlith y Cymry a gipiodd fedal roedd Nicole Cooke, Tom James, Geraint Thomas yn sicrhau aur gyda medalau arian i David Davies a Tom Lucy.

Ffrainc enillodd medal aur ola'r gemau yn y pêl-law gyda Sammy Wanjiryu o Kenya yn fuddugol ym marathon y dynion.