Enzo Calzaghe, tad ac hyfforddwr Joe"Mae ei fam yn erfyn arno i ymddeol gan fod dim byd arall i'w gyflawni. Beth bynnag mae Joe eisiau ei wneud, mi wna i ei gefnogi. Ond unwaith mae o'n penderfynu ymddeol, does dim dod yn ôl o hynny. Mae ymddeol yn golygu ymddeol. Dwi'n gobeithio bydd y cynigion yn dod rŵan felly does dim angen iddo ymddeol. Does dim pwynt i'r cynigion ddod ar ôl iddo benderfynu ymddeol." Enzo Maccarinelli, cyfaill a chyn bencampwr byd"Roedd hwnna'n berfformiad gwych gan Joe - mae'n rhaid iddo fod ymysg y tri pherfformiad gorau o'i yrfa. Does neb wedi rhoi crasfa fel yna i Jones, roedd hi'n ornest mor unochrog. Fe gafodd ei ddal yn y rownd gyntaf ac mi gafodd ei ddeffro gan yr ergyd yna. Ar ôl hynny, fe wnaeth o focsio'n wych. Dwi'n gwybod beth mae o am wneud nesaf ond dwi ddim yn cael dweud." Frank Warren, cyn hyrwyddwr Joe"Cyn yr ornest, roedd Joe yn dweud mai hon fydd yr un olaf ond rŵan dydi o ddim mor siŵr. Dwi'n credu neith o gario ymlaen. Mi faswn i'n hoffi ei weld yn ymddeol, does ganddo ddim byd arall i'w brofi. Heb os fo ydi'r bocsiwr pwysau uwch-ganol gorau sydd wedi bod erioed. I mi, fo ydi'r bocsiwr Prydeinig gorau ers y rhyfel. Mae ei record yn siarad dros ei hun." Lennox Lewis, cyn bencampwr byd"Mae o wedi curo pawn sydd yna i'w curo a does ganddo ddim byd mwy i'w brofi, felly dwi'n meddwl mai ymddeol yw'r peth callaf. Mae o'n un o'r bocsiwr Prydeinig gorau erioed, does dim amheuaeth am hynny." David Haye, pencampwr byd"Anaml iawn mae bocsiwr yn ymddeol ar y brig. Dwi'n meddwl bod Lennox Lewis wedi dangos bod posib rhoi'r gorau iddi a'i pheidio dod yn ôl. Mae o'n dibynnu faint o arian sydd ganddo. Os bod ganddo ddigon o arian i sicrhau'r math o fywyd mae o eisiau, yna mi wneith o ymddeol. Os ddim, yna'r unig reswm y bydd o'n ymladd ydi er mwyn arian, a dyna beth mae nifer o focsiwr yn ei wneud ar ddiwedd eu gyrfa. Dwi'n gobeithio bod ganddo ddigon o arian i allu mwynhau bywyd cyfforddus gyda'i deulu." Mikkel Kessler, pencampwr byd"Dyma'r canlyniad nes i broffwydo cyn yr ornest. Mae cael cyfle i ymladd Joe eto ar frig fy rhestr, dyna ydi fy mreuddwyd i. Joe ydi'r unig berson i guro fi ond dwi'n siŵr mai fi fydd yn fuddugol os nawn ni ymladd eto. Mi faswn i wrth fy modd yn cael cyfle i ymladd yng Nghaerdydd eto."
 | 
