Unwaith eto gwelwyd sawl beiciwr yn cael eu taflu o'u seddi wedi cyfres o ddamweiniau ar y cwrs 213km milltir o hyd o Wanze yng Ngwlad Belg i Arenberg yn Ffrainc. Gwelwyd dawn sbrintio Thomas ar ei orau wrth iddo hawlio'r ail safle o flaen y pencampwr byd Cadel Evans. Hawliodd y gŵr o'r Swistir Fabian Cancellara y crys melyn oddi wrth Sylvain Chavanel. Ar ddiwedd y trydydd cymal mae bwlch o 23 eiliad rhwng y Thomas a Cancellara a'r Cymro sydd hefyd yn cael y fraint o wisgo crys gwyn y beiciwr ifanc gorau. Ac roedd hi'n ddiwrnod da hefyd i enillydd ras y llynedd Alberto Contador wrth i Lance Amstring golli tir ar y ceffylau blaen.
 | 
