Mae'r ras yn cychwyn gyda chymal byr pum milltir a hanner yn ninas Rotterdam. Yn dilyn bydd ugain cymal heriol dros 2, 263 milltir cyn diweddu ym Mharis. Dyma'r ail dro i Thomas gystadlu yn y Tour de France. Hwn yw'r tro cynta' i dîm o wledydd Prydain gystadlu ers 1987. "Fi oedd yr ieuengaf yn y ras tro diwethaf," medd Thomas. "Rwy'n cofio'r poen yn dda, ond mi fydd y profiad hwnnw yn fy helpu y tro yma," ychwanegodd y beiciwr 24 oed o Gaerdydd. Alberto Contador o Sbaen, enillydd y ras yn 2008, yw'r ffefryn eto eleni gyda Bradley Wiggins, cyd-aelod Thomas, yn gobeithio am well na'r pedwerydd safle yn 2008. Bydd Lance Armstrong sydd wedi ennill y ras ar saith achlysur yn cymryd rhan am y tro olaf.
 | 
