Horsman yn gymwys i Gymru
06 Medi 2005
Mae prop Caerwrangon, Chris Horsman, wedi cwblhau cyfnod preswyl o dair mlynedd yng Nghymru sydd yn ei wneud yn gymwys i gynrychioli'r tîm cenedlaethol. Arwyddodd Horsman i Gaerwrangon yn dilyn cwymp tîm rhanbarthol y Rhyfelwyr Celtaidd flwyddyn yn ôl. Ond dangosodd Horsman ei awydd i gynrychioli Cymru drwy deithio o'i gartref ym Mhorthcawl i Gaerwrangon. "Yr wyf yn Gymro yn awr," meddai Horsman. "Ni fyddwn yn chwarae dros Lloegr pe bydde nhw yn gofyn i mi ac rwyf eisiau cynrychioli Cymru cyn gynted ag mor aml ac y gallaf. "Mae'n ryddhad mawr fy mod yn awr yn gymwys."
Gall Horsman gael ei gynnwys gan hyfforddwr Cymru yn y garfan ar gyfer gemau prawf yr hydref yn erbyn De Affrica, Awstralia, Seland Newydd a Fiji fis Tachwedd.
Gwrthododd y cyfle i ymuno gyda charfan Lloegr ym mis Mehefin, gan benderfynu aros tan yr oedd yn gymwys i gynrychioli Cymru.
