Manawatu 6-109 Y Llewod
28 Mehefin 2005
Cafwyd hwb anferthol i'r Llewod wrth iddynt sicrhau buddugoliaeth anferthol yn erbyn Manuatu yn Palmerston North ddydd Mawrth. Mewn gêm gwbwl unochrog, croesodd y Llewod am 17 cais yn erbyn y tîm rhan amser. Casglodd y Cymro, Shane Williams, bum cais gan roi pwysau ar Sir Clive Woodward i'w ddewis ar gyfer yr ail Brawf. Llwyddodd Manawatu i sgorio dau gic gosb yn yr hanner cyntaf gan Jonathan Hargreaves. Dau funud yn unig oedd ei angen ar Williams i gipio ei gais cyntaf wrth iddo wibio drosodd yn y gornel.Ychwanegodd ail 20 munud yn ddiweddarach wedi Chris Cusiter gymryd cic gosb cyflym, a chwblhaodd ei hat-trick cyn yr egwyl â chic gosb cyflym ei hun.
Roedd crasfa yn anorfod yn erbyn y tîm rhan amser gyda Martin Corry, Geordan Murphy a Jason Robinson hefyd yn croesi am gais yr un.
Roedd cais Robinson yn arbennig am ei fod y tro cyntaf iddo sgorio ers mis Ionawr a dim ond ei ail gais o 2005.
Cafwyd llu o newidiadau ar yr egwyl a bydd cryn ddyfalu os oedd chwaraewyr yn cael eu gorffwys ar gyfer y Prawf ddydd Sadwrn, gyda Donncha O'Callaghan a Cusiter ymysg y chwaraewyr ddaeth i ffwrdd.
Ond ychwanegwyd at geisiau'r ymwelwyr gan yr eilyddion gyda Charlie Hodgson a Smith yn croesi cyn i Williams gasglu ei bedwerydd cais o fewn wyth munud i'r ail hanner.
Wedi Simon Shaw redeg hyd y maes i roi Neil Back drwodd am gais casglodd Gordon D'Arcy a Ronan O'Gara gais yr un.
Ac wrth i'r Llewod anelu am y 110-pwynt croesodd O'Gara am ail gais, casglodd Mark Cueto ddwy a Gareth Cooper un.
Ond, yn haeddiannol, Williams aeth â'r Llewod heibio'r 100 gyda'i bumed cais o'r gêm.
Manawatu: Frank Bryant; Bevan Gray, Jason Campbell, Matt Oldridge, Johnny Leota; Graham Smith, Jonathan Hargreaves; Sam Moore, Nathan Kemp (capt), Keni Barrett, Tim Faleafaga, Paul Rodgers, Hayden Triggs, Josh Bradnock, Bryan Matenga.
Eilyddion: Simon Easton, Isaac Cook, Paula Maisiri, Chris Moke, David Palu, Nick Buckley, Ben Trew.
Llewod: Geordan Murphy; Jason Robinson, Ollie Smith, Gordon D'Arcy, Shane Williams; Charlie Hodgson, Chris Cusiter; Andy Sheridan, Gordon Bulloch (capt), John Hayes, Simon Shaw, Donncha O'Callaghan, Martin Corry, Martyn Williams, Michael Owen.
Eilyddion: Andy Titterrell, Matt Stevens, Brent Cockbain, Neil Back, Gareth Cooper, Ronan O'Gara, Mark Cueto.
Dyfarnwr: Lyndon Bray.
