Anafiadau yn poeni Smith
 15 Medi 2005 Mae anafiadau yn achosi cur pen i reolwr Wrecsam, Denis Smith, cyn eu gêm yn Leyton Orient ddydd Sadwrn. Andy Holt, Michael Ingham a Paul Linwood yw'r diweddaraf i ddioddef anafiadau ac nii fu Dean Bennett yn ymarfer ddydd Iau oherwydd salwch "Mae'n ymddangos mai'r unig beth yr wyf wedi bod yn drafod yn ystod yr wythnosau cyntaf yw anafiadau ac rwyf wedi cael llond bol o hynny," meddai Denis Smith. "Os nad oedd y peth mor ddifrifol fe fyddai'n chwerthinllyd. "Mae'n anhygoel y nifer o anafiadau sydd gennym. Mae mwy o bobl yn yr ystafell driniaeth na sydd yn allan yn hyfforddi." Gyda Ingham wedi ei anafu yn ystod colled Wrecsam yn Lincoln nos Fawrth, bydd y golwr ifanc Michael Jones yn cael ei alw i'r tîm cyntaf.
|
