Croesawodd y Cadeirydd, Mr Gwyndaf Richards, bawb yno a chydymdeimlodd â theuluoedd y diweddar Mr Tom Jones, Tŷ Cerrig a Mr Alun Jones, y Foel.

Cyflwynodd Alwyn Hughes eitemau amrywiol o ardaloedd o fewn cylch y papur, a gwnaeth pawb ei waith yn ardderchog. Rhwng yr eitemau cyflwynodd Alwyn ddetholiad o farddoniaeth amrywiol a ymddangosodd yn y Plu dros y chwarter canrif ddiwethaf.

Roedd arddangosfa yno o luniau'r gorffennol ynghyd â chyfle i weld lluniau ar y cyfrifiaduron a brynwyd gydag arian y Loteri. Mwynhaodd bawb baned a thamed a gacen hardd a goginiwyd yn arbennig ar gyfer yr achlysur. Roedd pawb o'r farn fod hon yn noson gartrefol gydag eitemau o safon.

Chwyddwyd coffrau'r papur gryn dipyn gydag elw'r noson. Ymlaen â ni am yr hanner canrif!