ထရမ့်ထောက်ခံသူများ လွှတ်တော်အဆောက်အအုံထဲ အတင်းဝင်ရောက်သည့် ဓာတ်ပုံများ

သမ္မတဒေါ်နယ်ထရမ့်ကို ထောက်ခံသူတွေက အုပ်စုလိုက်အမေရိကန်လွတ်တော် ကက်ပီတိုလ်အဆောက်အအုံထဲကို အတင်းအဓမ္မဝင်ရောက်ခဲ့ကြပြီးတဲ့နောက် အထက်ရော အောက်လွှတ်တော်နှစ်ရပ်လုံးမှာ ဆွေးနွေးမှုတွေကို အမတ်တွေက ရပ်ထားလိုက်ကြပြီး အခန်းတွေထဲ ၀င်ခိုလှုံနေကြပါတယ်။ ကွန်ဂရက်လွှတ်တော်မှာ သမ္မတလောင်းအဖြစ် အရွေးခံထားရတဲ့ ဂျိုးဘိုင်ဒန် ရွေးကောက်ပွဲမှာ အနိုင်ရခဲ့တာကို အတည်ပြုဖို့ စတင်ဆွေးနွေးနေကြတာဖြစ်ပါတယ်။

လွှတ်တော် အဆောက်အအုံထဲ ထရမ့်ထောက်ခံတဲ့ ဆန္ဒပြသမားတွေ ဝင်ရောက်မှုမှာ လူ လေးဦးသေဆုံးခဲ့တယ်လို့ ရဲတပ်ဖွဲ့က ပြောပါတယ်။

အမျိုးသမီး တစ်ယောက်က ရဲ ပစ်ခတ်ခံရတာ ဖြစ်ပြီး ကျန်တဲ့ သုံးယောက်က ကျန်းမာရေး အရေးပေါ် ကုသဖို့ လိုအပ်တဲ့ အခြေအနေနဲ့ သေဆုံးတာ ဖြစ်ပါတယ်။

အခုထက်ထိ လူ ၅၂ ဦးကို ဖမ်းဆီးထားပါတယ်။ အဲဒီထဲက ၄၇ ဦးဟာ တားမြစ်ကန့်သတ်ထားတဲ့ ကာဖျူးအမိန့်ကို ချိုးဖောက်လို့ ဖြစ်ပါတယ်။

ဓာတ်ပုံများအားလုံးတွင် မူပိုင်ခွင့်ရှိနိုင်ပါသည်။