Uchafbwyntiau Radio Cymru dros yr wythnos ddiwethaf, gyda chyflwyniadau clir a syml fydd o gymorth i chi wella'ch iaith.
Gwrandewch ar y rhifyn diweddaraf
Bore Cothi - Cwis
bennu - gorffen
clyweliad - audition
camau bach - small steps
profiad gwych - great experience
aeddfedu - to mature
hwb - a boost
ar fin - about to
ysgoloriaethau a gwobrau - scholarships and prizes
anrhydedd - an honour
dyfarniad - adjudication
Shan Cothi yn rhoi cwis i’r tenor Trystan Llyr Griffiths. Wel, cwis o fath; holi oedd hi pa un o ddau beth oedd orau ganddo er enghraifft pizza ta pasta? Mae Shan a Trystan yn nabod ei gilydd yn eitha da. Dach chi'n cofio'r gystadleuaeth 'Llais i Gymru' y llynedd? Wel Shan oedd yn cyflwyno'r rhaglen a Trystan enillodd y gystadleuaeth. Cyn holi'r Trystan, dyma Shan yn cael gwybod ganddo fo be mae o wedi bod yn ei wneud ers ennill y gystadleuaeth...
Bore Cothi - Tyfu pwmpen
pwmpen - pumpkin
menywod - merched
chwynu - to weed
torri'r lawnt - to mow the lawn
teclyn - tool
cribyn - rake
arddangosfa - exhibition
hau - to sow
rhwyfo - to row(a boat)
Ynys Manaw - Isle of Man
Be amdanoch chi ta? Shan Cothi ta Shan Cothi? O iawn ta, awn ni am Shan Cothi eto. Dydd Iau mi fuodd hi'n sgwrsio efo'r garddwr Medwyn Williams, ac wyddoch chi be, mi roddodd hi gwis iddo fo hefyd! Ond mae'n werth gwrando ar ddiwedd y clip yma i chi glywed be mae Medwyn yn gobeithio ei wneud efo pwmpen...
Geraint Lloyd - Rolls Royce
Yr Unol Daleithiau - The United States
tylwyth - teulu
dodi - rhoi
glo - coal
yn gwmws (gymwys) - exactly
cwmpo mas - to fall out
glou - cyflym
bywyd priodasol - married life
cynhyrchion moethus - luxury products
wedi danto - wedi cael digon
Rargian, dwy fil o bwysau!! Dyna i chi glamp o bwmpen ynde! A phob lwc i Medwyn wrth iddo fo drio torri record y byd. Dan ni'n symud at raglen Geraint Lloyd rwan i glywed am daith arbennig Randell Bevan, aeth o gwmpas America mewn Rolls Royce. Dyma i chi flas ar y sgwrs...
Geraint Lloyd - Treialon cwn defaid
Treialon cwn defaid - sheepdog trials
ysgrifenyddes - secretary
pwyllgor - committee
cymwysterau - qualifications
difaru - to regret
ail-sefydlu - to re-establish
segur - idle
etholwyd yn gadeirydd - was elected chairman
nawdd - sponsorship
yn eu harddegau - in their teens
Geraint Lloyd yn fan'na yn sgwrsio efo Randell Bevan am ei daith arbennig mewn car arbennig! Arhoswn ni efo Geraint Lloyd am y clip nesa hefyd. Sgwrs hollol wahanol i'r un ola yna fodd bynnag. Dan ni'n mynd o Rolls Royce America i dreialon cwn defaid yng nghefn gwlad Gorllewin Cymru. Buodd Geraint yn edrych ymlaen at dreialon cwn defaid Llangadog, oedd yn cael eu cynnal dros y penwythnos diwetha. Dyma fo'n sgwrsio am y treialon efo un o'r trefnwyr, Melanie Jones...
