Uchafbwyntiau Radio Cymru dros yr wythnos ddiwethaf, gyda chyflwyniadau clir a syml fydd o gymorth i chi wella'ch iaith.
Gwrandewch ar y rhifyn diweddaraf
Tommo – Toni Carrol yn y Ffair Aeaf
Ffair Aeaf - Winter Fair
crwydro - to wander
dod o hyd i - to find
cantores - singer (female)
cynlluniau - plans
cusanu - to kiss
gwestai'r dydd - guest of the day
cerddoriaeth - music
dyfalu - to guess
rhy rwydd - too easy
...taith fach i Ffair Aeaf Llanelwedd. Mae'n debyg mai hon ydy'r ffair aeaf fwyaf yng Nghymru ac er bod y tywydd wedi effeithio arni hi, eleni roedd hi'n dal yn bosib i grwydro o gwmpas y sioe a dod o hyd i hen ffrindiau. A dyna'n union wnaeth Tommo ddydd Llun ac mi ddaeth ar draws y gantores a'r actores Toni Carrol. Eflallai bydd rhai ohonoch chi'n ei chofio fel y cymeriad 'Olwen' ar Pobol y Cwm ers stalwm, ond cyn hynny buodd hi'n canu efo'r enwog Bonnie Tyler. Be oedd ei chynlluniau hi ar gyfer y Nadolig tybed? Dyma hi'n dweud y cyfan wrth Tommo, ac wrth Brian yr Organ wrth gwrs...
Dan yr Wyneb – Seiri Rhyddion
Seiri Rhyddion - Freemasons
yn ystod cyfarfodydd - during meetings
ymaelodi - to join
cydnabod eich cred - acknowledge your beliefs
mwgwd - mask
pa lw? - what oath?
teyrngarwch - loyalty
defodau - rituals
gwarchod - to guard
drwgdybus - suspicious
Toni Carrol yn cael ychydig o hwyl yn fan'na efo Tommo a Brian yr Organ ar faes Y Ffair Aeaf. Taith bach go wahanol gafodd Dylan Iorwerth ar Dan yr Wyneb ddydd Llun. Mi gafodd o daith fach o gwmpas adeilad y Seiri Rhyddion yn Llangefni. Nid pawb sy'n cael gweld y tu mewn i'w hadeiladau nhw, nac ychwaith yn cael gwybodaeth amdanyn nhw. Mae'r clip nesa ma felly yn roi rhyw gip-olwg bach i ni ar fywyd y Seiri Rhyddion. Neu ydy o? Dyma Dylan efo Ieuan Redvers Jones, un o Seiri Rhyddion Llangefni...
Cofio – Megan Lloyd George
ymuno â - to join
go brin - not likely
cyfrinachau - secrets
dodrefn - furniture
hel atgofion - reminiscing
Canghellor y Trysorlys - Chancellor of the Exchequer
Tŷ'r Arglwyddi - House of Lords
perthyn - to belong
cychwyn - to start
Wnaeth Dylan ymuno â nhw tybed? Go brin mae'n debyg, chafodd ddim gwybod llawer o'u cyfrinachau nhw naddo? Mi gaethon ni wybod am rai o gyfrinachau bywyd teuluol Lloyd George ddydd Mercher ar Cofio. Clip o'r archif oedd hwn, sef sgwrs efo Megan Lloyd George, merch Lloyd George, gafodd ei recordio ym Mil Naw Chwe Phump. 'Dodrefn’ oedd thema'r rhaglen, a dyma Megan Lloyd George yn hel atgofion am eu cinio Sul teuluol o gwmpas bwrdd y gegin, pan fyddai ei thad yn dod adref. Dyma i chi flas ar y sgwrs...
Caryl – Sioeau Talent
yn fyw - live
cantorion - on stage
profiad - experience
cerddorfa - orchestra
cynulleidfa - audience
cynhyrchu - to produce
afreal - unreal
darlun - picture
yng ngŵydd pawb - in front of everyone
llabuddio'n gyhoeddus - criticised (lit:stoned) in public
Difyr ynde? Megan Lloyd George yn rhoi darlun bach i ni o fywyd teuluol ei thad, LLoyd George. Mi glywon ni sgwrs ddifyr arall ar raglen Caryl ddydd Iau. Sioeau Talent oedd y pwnc, ac roedd tri o’i gwesteion wedi bod yn llwyddiannus ar wahanol sioeau. Enillodd Tammy Jones ar Opportunity Knocks gyda Hughie Green a’i ‘Clapometer’ enwog, Cefin Roberts gyda Chôr Glanaethwy ar Britain’s Got Talent, a hefyd Jodi Bird aeth yn bell iawn ar yr un sioe. Dyma’r tri yn sôn am eu profiadau gyda Caryl...
